CHAPTER 54: THE MOTHER'S TEARS

TUMAGILID ako ng aking higa habang yakap ang kumot na nakabalot sa aking hubo’t-hubad na katawan. Niyakap naman ako mula sa likuran ni Vito Achilles at pinatakan niya ng halik ang aking batok. Tumakas na naman siya mula sa aming guest room para pumuslit dito sa aking silid. Hindi ko ngayon katabi si Archer dahil nando’n ang aking anak kina Mama at Papa. Mabuti na rin na wala rin dito si Archer lalo na’t nilalandi ako ni Vito at alam kong magiging marupok na naman ako at mauuwi kami sa mainit na bakbakan sa ibabaw ng aking kama.

Naging tahimik naman si Mama at nagmakaawa akong huwag munang ipagsabi ang sikreto naming dalawa ni Vito lalo na’t humahanap pa kami ng tiyempo. At saka gusto rin namin na mas tutukan ang paghahanap kay Archie bago iyon.

“What’s bothering you, My Kryptonite?” he asked affectionately.

“Kanina habang kumakain kami ni Mama ay mayro’ng batang lalaki na naligaw sa private room namin. Kulay gray ang kaniyang mga mata at sa tingin ko ay hindi nalalayo ang edad n