Chapter 81

Xyrica’s POV:

Pagkatapos ng laro ko ay sinalubong ako nina Yuan at tinulungang makaupo sa inuupuan nila. Sakto naman na inanunsyo ang dalawa pang babae na maglalaro sa susunod na round. Ang pangalan nina miss Ludwig at Joy ang natawag at sila pa ang dalawang magrerepresenta sa Gangster Academy, sa kategorya ng mga babae. Tinawag naman ang pangalan nina Michiaki, Cyborg at Spencer kasi sila ang maglalaro sa kategorya ng mga lalaki.

Imbes na ihatid ako nina Michiaki sa clinic ay nagbago ang isip ko nang marinig ko ang mga pangalan nila. Gusto kong makita kung paano sila makipaglaban at saka hindi naman kasi ito ang plano sa laro. Wala ring alam sina Michiaki kung bakit nagbago ang laro, lalo na si miss Ludwig na siya sana ang may pakana ng event. Ang alam kasi naming lahat ay iisang estudyante lang kada eskwelahan.

“Van, may sinabi ka ba kay dean Steinfeld kaya nagbago ang laro?”