Chapter 13

"GOOD morning, hija, hijo," nakangiting bati sa mag-asawang Alvarez ng aleng kumukulo ang dugo kay Diana kagabi. "Mabuti naman at nagkita tayo ngayon dito sa labas ng bahay niyo," sabi pa nito.

"Good morning din po," sabay na bati naman ng mag-asawa sa ale.

"Siyempre naman po, Aling Bina. Magkapit-bahay lang naman po tayo, eh." Natawa naman nang bahagya si Gianna.

"Oo nga naman." Gumanti rin ng tawa ang ale.

"Ano po pala ang sasabihin niyo, Aling Bina?" tanong ni William.

"Wala ba kayong narinig na sigaw kagabi? Dito mismo sa gate ninyo?"

Nagkatinginan naman sina Gianna at William sa isa't isa.

"Bakit po?" tanong ni Gianna nang ibalik nilang dalawa ni William ang kanilang mga mata sa ale.

"May naghahanap kasi sa inyo. Walang tigil nga 'yong pagpindot niya riyan sa doorbell dahil hindi kayo lumabas. Sumigaw na talaga siya. Ang ingay-ingay at ang lakas ng sigaw niya kaya nagising ang mga taong natutulog na sa oras na 'yon."

"Talaga