CHAPTER THIRTEEN

Gutom na pabaling-baling ng kama si Santina at hindi makapag-concentrate sa librong binabasa niya. Tumayo siya at sinilip ang mini-fridge sa kwarto niya. Nadismaya siya ng makitang puro tubig lang ang laman ng mini-fridge niya. Kung bakit ba kasi nakalimutan niyang magdala ng pagkain sa biyahe nila, e. Magda-dalawang oras na siyang nasa kwarto at nagbabasa. Napaisip tuloy siya kung nananghalian na ba si Hellios. Magkatabi lang ang cottage nila pero hindi talaga siya nito niyayang kumain. 

Inis na kinuha niya ang sunglasses at cellphone niya bago lumabas ng cottage. Maghahapon palang kaya dama pa rin niya ang init ng hangin na tumatama sa balat niya. Nakalimutan pa niyang maglagay ng lotion.

Nagulat siya ng biglang tumunog ang cellphone niya. Tiningnan niya kung sino ang tumatawag, at nakitang si Gabriel iyon. Kaibigan niyang bakla na nag-aaral din ng fashion designing sa university na pinapasukan niya. Hindi