Kabanata 2:Happy ride

Nagmamadali na silang lumakad patungong highway kung saan naghihintay ang kanilang inarkilang jeep. Mahigit kumulang sampung minuto ang layo ng kanilang bahay sa kalsada. Nasa medyo bukirin na kasi sila na bahagi ng probinsya nakatira.

"Toto, bilis-bilisan mo ang lakad mo", tawag nya sa anak ng mapansin itong naglalaro pa habang naglalakad.

" Opo", patakbo na itong sumunod sa kanila kasi nahuhuli na ito.

Malapit na sila sa highway at tanaw nya na ang nakaparadang sasakyan doon. Nakita nya rin si Kuya Lito sa driver's set na nag-aantay na sa kanila.

"Kuya, kanina pa po ba kayo dito? ", tanong nya sa tono na nag-alala ng makarating na sila sa sasakyan. Alas otso ng umaga ang usapan nila pero alas otso y medya na sila dumating. Nalate sila ng tatlumpung minuto.

" Hindi naman masyado day", mga pitong minuto pa lang siguro. "May dadaanan pa ba tayo? ", alam nito kasi na kung may lakad sya palagi nyang inaaya ang mga magulang nya.

" Opo, dadaan po tayo kina nanay", ang tugon nya dito.

"Sige sige, dadaanan natin sila. At inistart na nito ang makina ng sasakyan. Umakyat naman sila dito at pumuwesto ng maayos. Habang sa byahe ay kinuha nya ang kanyang selpon at tinawagan ang ina.

" Hello Noy, nakahanda na ba kayo jan", ang kapatid nya na lalaki ang kanyang tinawagan. Hindi pa kasi marunong gumamit ang kanyang ina ng touchscreen phone, nakasanayan nitong gamitin ang keypad phone pa.

"Patapos na po sa pag-aayos ang nanay te", sagot nito sa kabilang linya.

" Oh, sige, pakausap ako saglit sa kanya", narinig nya na ibinigay nito ang selpon sa ina.

"Nanay, si ate", rinig nyang sabi nito.

" Hello tet", sabi ng nasa kabilang linya.

"Nanay, papunta na po kami jan, abangan nyo po kami sa highway ".

" Sige, patapos na din ako sa pag-aayos. Pupunta na kami agad sa highway ", pagsang-ayon nito sa suhestiyon nya. "Nonoy tawagin mo sina Ate mo Lea, at Thea, aalis na tayo", rinig nyang sabi nito bago putulin ang tawag sa selpon.

" Sa highway na ba sila mag-aabang? ", tanong ni Kuya Lito sa kanya ng ibinaba nya ang selpon, narinig nito ang usapan nila.

" Opo Kuya, medjo mahirap kasi ang daan papasok doon, lalo na't umulan kagabi".

"Mabuti naman at hindi na ako mahirapan", sabi nito. Kapag umuulan medyo maputik na ang daan papasok sa bahay ng kanyang ina, hindi sementado ang daan patungo doon.

**Sa bahay ni Aling Minda**

" Tara na, baka andoon na sa highway sina ate nyo", tawag ni Aling Minda sa mga kasama, halata sa kilos nito ang excitement. Ngayon lang sya makapagbakasyon sa isang resort at tatlong araw pa. Talagang tinupad ng anak ang ipinangako sa kanila. Umayaw sya ng sabihin nito na nagbook ito ng kwarto sa isang resort para sa kanila. Iniisip nya kasi ang laki ng gagastusin ng anak dahil marami sila. Sinuwestyon nya dito na doon na lang sa beach na kadalasan nilang pinuntahan kapag may okasyon ang pamilya para walang gastos pero nagpumilit ito.

Pinag-ipunan nya daw ang araw na yun at deserve nilang pamilya ang bakasyon. Halos maiyak sya ng sinabi yon ng anak. At alam nyang hindi nya mabago ang isip nito, may paninindigan ito. Kilala nya ang anak, kung anu desisyon nito mahihirapan na silang salungatin iyon! Mula pa pagkabata nito, ganoon na ang ugali. May isang salita at may paninindigan. Alam nya na may pagkakataon na nahihirapan na ito, pero ni minsan hindi nya narinig na nagreklamo. Hanga sya sa ugali ng anak.

Mabilis ang kanilang lakad papuntang highway. Buti na lang wala pa doon ang sasakyan na sinasakyan ng anak. Pero hindi nagtagal ay nakita na nila ang papalapit na sasakyan.

"Sila na ata yun Nay", turo ni Monmon sa paparating na sasakyan, anak yun ni Lea, apo na ni Aling Minda pero Nanay ang tawag nito sa lola.

" Mukha nga sila na yan", pagsang-ayon ng mga kasama.

" Anjan na sila lahat sa gilid ng highway Ma, nakaabang sa atin", sabi ni Laine ng makita ang mga nakatumpok na tao sa gilid ng kalsada.

"Oo, pero bakit parang kulang sila?", tanong nya sa anak na kahit alam nyang hindi ito makasagot sa tanong nya. Hinanap ng mata nya ang kapatid na si Ana at ang dalawa nitong anak pero hindi nya ito nakita.

" Si Mama, paano ko yun masasagot", bahagyang nakatawa na sagot ng anak.

"Gagi, oo nga noh! ", natampal nya ang noo ng maalala na mali pala ang tanong nya. Kaya nagtawanan silang tatlo ng anak nya dahil sa reaksyon nya. Nakamasid lang naman sa kanila sa front mirror si Kuya Lito.

Pumarada ang sasakyan sa tapat ng mga kasamang nakaabang sa kanila. Tinawag nya na ang mga ito para sumakay na din.

"Halina kayo, mamaya aabutan tayo ng 50/50 dito", pagbibiro nya sa mga ito na nakangiti. Makikita sa mukha ng mga kasama niya ang excitement at kasayahan kaya masaya rin sya.

" Si tita naman eh, ang aga pa po kaya ", si Thea ang sumagot sa biro nya habang papaakyat sa sasakyan. "Matagal pa po ang maghapon", pamangkin nya ito, anak ng kapatid nyang nagtatrabaho din sa ibang bansa. Nauna yung umuwi sa kanya noong nakaraang taon at hindi na sila nagpang-abot dahil bumalik ito sa kanyang amo pagkatapos ng 3 buwan na bakasyon.

" Hindi ka naman mabiro Thea", hinampas nya ito sa hita ng mapalapit sa kanya. Umupo kasi ito sa tabi ng panganay niya. Close talaga ang dalawang bata, at halos magkaedad lang sila. Dalawang taon lang ang tanda ng anak nya rito.

Ng makita ni Kuya Lito na nakaupo na ng maayos ang kanyang mga pasahero ay pinaandar nya na ang sasakyan at nagpatuloy.

"Nay asan po si Ana", nagtatakang tanong nya sa ina.

" May pupuntahan daw sila ni Rowel kaya hindi sila makasama, sa bagong taon na lng daw sila uuwi para magkakasama tayong sasalubong ng bagong taon", mahabang paliwanag ng ina. Bawat pagsalubong ng bagong taon palagi talaga silang nagtitipon sa bahay ng ina. Nag-aambag ambag sila sa mga lulutuin at gagastusin para hindi mahirapan ang isa lang. Larawan sila ng tunay na pamilyang Pilipino. May close family ties kumbaga.

"Sayang, mas masaya sana kung andito sila", may pagtatampo sa boses nya.

Nagbibiruan at nagtatawanan sila sa buong byahe hanggang makarating sila ng pantalan ng pumpboat.It's a happy ride, walang bored moment sa buong byahe nila. Oo, sasakay pa sila ng pumpboat paluwas ng lungsod. hindi lang isang probinsya ang lugar nila, isa din itong isla. Marami ding magagandang beach doon pero mas pinili nyang doon sa inirekomenda ng kaibigan nyang resort. Balak nya kasing pag-uwi nila ay ipagmomall nya din ang mga ito. Nakaless din naman sya kasi may promo ang resort na yun.