Kabanata 2

Kabanata 2

Anger

Maaga akong nagising kinabukasan. Plano kong dumalaw sa plantasyon ng kape. Noong isang Linggo pa kasi ang harvesting season ng mga kape. Gusto kong bisitahin ang mga tao doon kung maayos ba ang takbo ng plantasyon.

"Do you want me to call, Attorney De Cardenas?" Si Ivon.

Kumibot ang labi ko habang sinusuklay nito ang lampas balikat kong buhok ngayong umaga.

"Or, why don't we invite him for a dinners tonight?"

Muling kumibot ang aking labi. What for? He's now my legal guardian. Hindi ko na siguro kailangan pang gawin iyon dahil sigurado naman akong palagi siyang nandirito.

"Huwag mong gagawin hanggat hindi ko sinasabi," mas pinili kong sabihin.

"Hmm... Okay. Handa na ang breakfast sa ibaba, kumain ka na para maaga kang makarating sa kapihan.

Tumayo na ako at hinila ang cane sa tokador at naglakad na palabas ng silid.

"You have a meeting with the shareholders of Callejo's group of company by tomorrow morning," aniya sa'kin habang naglalakad ako pababa ng hagdanan.

"Sige. Can you please give me the braille documents of CGP at my table tonight? Gusto ko munang pag-aralan bago ako humarap sa meeting bukas."

"Sure, señorita."

Tumigil ako sa paglalakad nang makapasok ng dining area. Napahigpit ang hawak ko sa aking cane dahil sa pamilyar na amoy na sumalubong sa'kin.

"Attorney De Cardenas?!" bulalas na sabi ni Ivon sa aking tabi.

"Good morning!" he greeted politely.

I pursed my lips, itinuloy muli ang paghakbang palapit sa kanang bahagi ng silya, kung saan ako laging nakaupo.

"What's brought you here in this early morning, attorney?" Si Ivon.

Tumiim ang labi ko sa tanong niyang iyon. Isn't obvious na kasama sa trabaho niya ang palagiang pagpunta dito? Hindi ko alam kung anong laro ang gusto ng Mauricio Estevan na ito pero hindi ako papayag na gawin niya basta ang gusto niya sa pamamahay ko na walang permiso.

"Dinala ko lang ang ilang gamit ko. Pina-akyat ko na sa isa sa mga guest room n'yo dito."

Tumiim ang bagang ko. So, dito na rin pala niya balak tumira.

"Oh? Really? Nasa ibaba naman ang silid ko!" Ramdam ko ang pananabik sa boses ni Ivon nang magsalita dito.

I cleared my throat to cut their conversation, "Join me on breakfast, attorney? Baka hindi kapa nag-aalmusal?" Lumingap ako kay Ivon pagkatapos.

"Ivon, pakihanda rin ang almusal ni Attorney De Cardenas," wika ko dito.

"Uh... sige."

Magkaharap na kami ngayon sa hapag kung saan halos wala kaming imik pareho habang kumakain. I don't know what's making me so damn uncomfortable. Pakiramdam ko kasi'y pinanonood niya ang bawat pagbuka ng aking labi kada susubo ng pagkain.

"I heard you're going to the plantation today? Gusto kong sumama para makita na rin ang kung paano ang kalakaran ng negosyo n'yo dito."

I clenched my teeth over the plate. Tahimik kong binaba ang kubyertos at pinunasan ang labi gamit ang tissue towel.

"Sige, kung iyan ang gusto mo," I answered quietly after I wipe my tight lips.

"Good, kung may mga concerns ka pa about sa business or anything, don't hesitate to ask me. I am here to give you some advices over the matter."

Gusto kong putulin na ang usapan kaya hindi na ako nagsalita pa. Mabilis ko nang tinapos ang pagkain at hinanda ang sarili sa pag-alis.

"This is yours, attorney?" Narinig kong tanong ni Ivon dito.

Gustohin ko man itanong kay Ivon kung ano ang tinutukoy nito ay hindi ko na lang ginawa. Kaya deadma lamang akong nakatayo sa tabi nito habang ito ay nakikipagkwentuhan kay attorney.

"Ang mabuti pa umalis na kami, mahirap abutan ng init sa daan," anito sa baritonong boses.

"Ms. Czarina, sumakay na po kayo sa jeep ni attorney." Hinawakan ni Ivon ang siko ko pasakay sa mataas nitong jeep.

"Is this your Wrangler jeep?" I ask, nang makaupo sa loob ng sasakyan.

"Yes, my JK Jeep Wrangler, " he said.

Gustong umawang ng labi ko sa labis na mangha. Gusto kong magkaroon ng ganitong jeep dati pa pero hindi ako marunong mag-drive noon kaya hindi ako mahiling kay daddy na bilhan niya ako nito. Hindi rin kasi biro ang presyo nito lalo na ang sinasabi niyang JK type na jeep.

"Baka tanghaliin tayo," komento ko para matigil na ang usapan.

Wala akong umik habang binabagtas namin ang daan patungong plantasyon. Amoy ko na mula dito ang hilera ng mga kapeng inaani ng mga trabahador.

"Mukhang marami-rami ang ani ngayon?"

Humalukipkip ako at hindi pinansin ang kaniyang sinabi.

"May meeting bukas ang mga shareholders ng kompanya. You want me to accompany you as your legal guradian?"

Hindi na ako nakatiis at gumawi ako dito.

"No, I can manage! So, stop pretending and stop acting like we're okay. Akala mo ba hindi ko napapansin kanina pa na nagpapangap ka lang? Well, bakit nga ba hindi? E, malaking pera ang nakasalalay dito!" I spout out.

Hindi ito sumagot bagkus ay ginalaw ang kambyo para tumulin ang takbo namin. Mabuti na lang ay may suot akong seatbelt dahil kung hindi ay baka nauntog na ang ulo ko sa kung saan.

"Are you going to kill me? Ihinto mo ang sasakyan ngayon din!" nagpupuyos sa galit kong sinabi.

But he didn't say anything in return. Matulin pa rin kung magpatakbo at halos mabali ang kambyo dahil sa marahas nitong paghila.

"I ordered you, Attorney De Cardenas! Stop this car!"

Mabilis akong umayos ng upo nang bigla nitong tapakan ang preno.

Napadiin naman ang sandal ko sa upuan nang bigla itong lumapit. Tinanggal ang suot kong seatbelt at tinulak pabukas ang pinto ng kaniyang jeep mula sa kinauupuan ko.

Napasinghap ako sa mabilis na atake ng amoy niya sa akin. Agad rin itong lumayo kaya mabilis akong bumalik sa sarili.

"Kung iyan ang sa tingin mong balak kong gawin kaya ako narito, then leave!" May diin ang bawat salita niya sa'kin.

"Bakit hindi ba? Hindi mo ako ganoon kadaling mapapaniwala na hindi pera ang dahilan kaya ka pumayag sa gusto ni daddy!"

Narinig kong nagpakawala ito ng marahas na buntong hininga sa aking tabi. "Leave my car."

Bumaling ako sa banda niya. Hindi ako makapaniwalang papababain nga niya ako.

"What?!"

"I said, get out of my car!"

Nanginginig ang mga kamay na hinila ko ang cane sa aking kandungan at binuksan iyon. Mabilis akong bumaba ng kaniyang jeep kahit pa hindi ko alam kung nasaan na ba kami.