Chapter 232

Third Person’s POV

Hindi pa man malalim ang gabi ay tila parang nasa kalagitnaan na ng gabi dahil sa madilim na paligid na bumabalot sa buong Sembrano’s Palace. Mas lumakas pa ang ulan sa labas na sinabayan ng mas malakas na hangin. Gumagawa naman ng paraan ang mga blood armies upang mapigilan ang pagpasok ng tubig na umaapaw sa malalim na parte ng gate sa bloody south kung saan naroon pinagganapan ang blood obstacle course.

Dahil sa ipinagpaliban muna ang obstacle course ay nagkaroon ng maagang pahinga ang mga initiates. Magkakasama ang mga nasa hanay ng human innovations na kung saan ay may mga espekulasyon sa kani-kanilang mga sarili. Pare-parehas silang napahawak sa kanilang mga batok nang makaramdam sila ng kakaibang kirot ng sabay-sabay. Hindi man nila makita kung ano ang nasa kanilang batok, base sa paghawak dito, napag-alaman nilang mayroong nakalagay doon na tila nakatusok pa mismo sa kanilang balat.

“Naramdaman niyo rin ba ‘yon, guys?” si Cherry saka napatingin sa mga kas