Chapter 1

KINAUMAGAHAN. Hindi alintana ni Alyana na may mga kalalakihan na kanina pang nakamasid sa kanyang mahimbing na pagkakatulog.  Ang mga ito ay nakaupo sa mahabang sofa at titig na titig sa babaeng nakahiga ngayon sa kamang pagmamay-ari isa sa kanila. Nakahiga siya sa isang malaki at maluwag na queen size bed na kulay maroon, may desenyo pang polkadots na iba't-ibang kulay. Sobrang himbing nang pagkakatulog niya sa kamang 'yon dahil sa lambot na bumabalot sa buong katawan niya. Feeling niya na nasa gitna siya ng kaulapan na bumabalot sa buong paligid.

Hinihintay nila ang paggising ng babaeng estranghero sa kanilang sariling pamamahay. Sobrang maaliwalas nito matulog na akala mo ay talagang welcome na welcome ito sa bahay nila.

Makalipas ang ilang oras...

Unti-unting nagmulat ng mga mata si Alyana kasabay ng litanya niya tuwing umaga. At with matching kampay pa ng kamay at paa habang nakahiga.

"Good Morning world~ Hello, Barbie! Hello, Gala— waaah! Na saan ang galaxy ko?!" napabangon na siya ng tuluyan at halos lumuwa ang mata niya sa sobrang gulat nang may makita siyang limang kalalakihan na nasa kuwarto raw niya. " Si-sino Kayo?! Saka A-ano ginawa niyo sa kuwarto ko?! Na saan sila Barbie at galaxy ko? Waaaaaaaah!" sabi pa nito at tumayo sa kama at nagtatalon-talon. Bigla namang tumayo ang tatlong lalaki at inaawat ang babaeng parang bata na walang sawang tumatalon-talon. Nasisiyahan kasi ang dalaga dahil parang lumambot ang kama niya ngayon kaysa dati.

Siguro binago 'to ni daddy, isip niya at patuloy sa pagtalon pabilis nang pabilis.

Sa sobrang kaba ng tatlo na baka masira ng tuluyan ang kama na 'yon dahil ang nag-mamay-ari lang naman ay ang kanilang pinuno, na matalim kung tumingin kay Alyana at prenteng nakaupo sa sofa.

Maya-maya...

"He-hey! S-stop,  crazy lady!"

"Uy, Langya! Tigil na sa kakatalon!"

"Witwew ang kinis ng legs!"

Nabatukan naman ang lalaki sa komento nito sa dalaga. 

"P*ta!'Wag na mambatok!— oy! Ikaw! TIGIL!"

" Waaah! A-ano ginagawa niyo?"

Napahinto si Alyana sa kakatalon dahil bigla siya hinawakan sa kamay ng dalawang lalaki na magkabilaan sa gilid niya. Mahigpit ang pagkakahawak sa kanya kaya may konting kirot siyang nararamdaman. Pero dahil may pagka isip bata nga ang dalaga at lahat sa kaniya ay parang laro, tumalon na naman siya nang buong puwersa at ngayon ang dalawang lalaki ay walang nagawa kundi sumabay sa kakatalon ng dalaga. Bakit? Dahil mas masasaktan ang babaeng hawak nila kapag hindi sila sumabay sa galaw nito. Ang isa naman ay hinatak ang isang paa ni Alyana, kaya ang resulta, bumagsak siya sa kama kasama ang dalawang lalaki na nakahawak sa dalaga. Mabuti na lang at malambot ang pinagbagsakan nila.

Ang dalawa ay nauntog sa headboard ng kama kaya napadaing sila sa sakit. Sinisisi ang kanilang kaibigan na may gawa sa kanilang pagbagsak. Hindi kasi sila bumagsak sa malambot, dahil din sa tangkad nila.

Ang isa naman na humila sa isang paa ni Alyana ay kumuha ng tali. Tinalian niya ang pares na paa ni Alyana at ang kamay nito na hawak ng dalawa. Ngayon naman  ang dalaga ay wala ng palag dahil sa tali na nakapulupot sa kamay at paa niya.

"Hooh! Nagawa din"

"Langya! Ang kulit!"

" Petengene! Nagkabukol ako!"

"Ba-bakit niyo ako tinali?" aniya ng dalaga at napapanguso pa. Napasinghap naman ang mga lalaki at ang isa pa’y napahilamos sa mukha dahil sa pamumula sa inis. 

"Kasi ang kulit mo! At para sabihin ko sa'yo, hindi ito kuwarto mo!" aniya ng lalaking humila kanina ng paa ni Alyana. Napatingin naman ulit si Alyana sa buong silid at muling napangiti. 

"Pe-pero— Waaah! Hala ! O'nga no? Hihihi sorry! Akala ko ka—” 

"Tsk, kalagan niyo na 'yan. Kumain muna tayo bago mag-usap— at ikaw, sumunod ka sa baba nang makapag-breakfast but clean yourself first," tumayo naman ang kaninang nakaupong lalaki na nagmamasid lamang sa mga nangyayari. Natawa naman ang katabi nito kanina na nagbabasa lamang ng libro saka sumunod sa sinasabing pinuno ng grupo. Oo, siya ang pinuno ng mga 'to, at siya rin ang may-ari ng hinihigaan ni Alyana. 

Naiwan naman ang tatlong lalaki na nag-aalinlangan pang kalagan si Alyana. Paano ba naman, mukhang may balak pa itong tumalon dahil inuumpog ang ulo nito sa malambot na kama. Nagkatinginan na lamang ang tatlo at alinlangang tinatanggal sa pagkakatali ang dalaga. Ayaw naman nila mapagalitan ng nakakataas sa kanila, hirap kaya maparusahan.

Tila parang wala sa katinuan ang dalagang si Alyana sa itsura niya ngayon. Talagang bagong laya sa kulungan ang reaksyon ng kanyang katauhan.

Ngingiti-ngiti habang inuumpog ang ulo nito, hindi yata 'to galing sa bahay nila, kundi sa mental hospital. 

Napalabi ang tatlo at nagpipigil sa paghagalpak ng tawa sa kanilang nasasaksihan. Hindi nila mawari na sa ganoong kagandang dalaga na nasa harapan nila ay may ganoong ipinapakita. Oo, maganda si Alyana. Natalo niya pa ang isang model, celebrity,  Beauty queen at iba pang naiisip niyong magagandang babae sa telebisyon. Dahil simple lamang si Alyana ngunit nagpapakita ng angking ganda. May makinis na maputing balat at mapula-pula ang mga ito, mahabang hita, balingkinitang katawan, mauumbok na dibdib, may mapupungay na mata na animo'y nang-aakit, may mahahabang pilik-mata, katamtamang kapal ng kilay na bagay sa kanyang malalim at brownish na mata, matangos na ilong, mapula-pulang labi tila malambot na parang sa marshmallows, hugis pusong mukha na may matambok na pisngi. Kulang sa depinisyon ang salitang ganda sa katauhan ni Alyana, masasabi mong dyosa siya ng kagandahan... pero sa utak, talo siya d'yan.

Sa huli ay kinalagan nila ang dalaga. Napahinga naman nang matiwasay ang tatlong lalaki na mabuti na lang dahil hindi na nagtalon pa ang dalaga. Ngumiti lamang ito sa kanila. At ang tatlo? Parang nakakita ng multo sa panlalaki ng mata nila. Paano ba naman ang ganda ng ngiti ng dalaga, sobrang tamis, at bagay na bagay sa kanya dahil may tinatago pa pala ito na malalim na biloy sa kaliwang pisngi. Ang dalaga ay kahit pinagkaitan ng matinong pag-iisip bilang normal na  dalaga ay bumawi naman ito sa itsura na parang anghel na nakatapak sa lupa at ngayon ay nasa harapan nila.