Kabanata 46

“Tinatamad na bumangon ako mula sa kama. Simula kasi ng malaman ni Quiller ang tungkol sa pinagbubuntis ko ay hindi na ako nito pinapansin. Para akong hangin sa paningin nito na wari moy hindi nakikita.

Parang gusto kong umiyak dala ng matinding lungkot na nararamdaman ko. Nasasaktan kasi ako sa malamig na pakikitungo sa akin ni Quiller. Noon pa naman ay malamig na ang pakikitungo niya sa akin, pero sa pagkakataong ito, ni ang tumingin sa mukha ko ay hindi nito magawa.

Mabigat ang katawan na umalis na ako sa kama. Pumasok ako sa loob ng banyo at saka naligo. Kailangan ko na kasing pumasok sa opisina dahil marami akong trabaho na kailangang gawin.

Sa loob ng halos isang linggong training ay madali akong natuto sa pagma-manage ng kumpanya.

Kaya ko ng makipagsabayan sa mga negosyanteng nakakasalamuha ko. Pero, syempre dahil sa tulong ng aking mga abogado.

Pagkatapos maligo ay nagbihis ako ng isang simpleng duster.

Natigil ang kamay ko sa pagsusuklay ng aking mahabang buhok ng