KABANATA 41

WENDY’S P O V

Noong araw na nakilala ko si Daniel ay binigyan ko siya ng invitation card, pero hindi ako nakarating sa Diamond hotel para sa charity dinner dahil sa nangyari sa papa ko. Umuwi ako sa bahay ni mama, at dahil gutom na gutom ako nang oras na iyon ay nagkalkal ako sa ref niya ng makakain. Nakita ko ang tira niyang spaghetti na galing daw sa kumare niyang nagbirthday. Hindi ko alam na ilang araw na pala ito sa ref, kaya naman nagresulta ang pagkain ko nito ng food poisoning.

Habang sarap na sarap ako sa pagkain sa kusina ay malakas namang umaatungal ng iyak ang nanay ko sa sala. Napapangiwi pa nga ako sa tuwing sisinga ito sa bimpong nakasampay sa balikat nito. "Ma, hindi na maibabalik ng pag-iyak mo ang buhay ni papa." sinadya kong lakasan ang boses ko dahil alam kong hindi niya ako maririnig. May makapal na dingding na nakapagitan sa kusina at sala.

"At bakit hindi ako iiyak?" angil nito. "Siya ang first love ko. Siya lang ang lalaking minahal ko. At hindi ako papayag na