Chapter 77

ILANG oras na ang nakakalipas simula ng mawala si Luna at Celine. Pagkaalis ni Luna sa school ay ang siya namang dating ni Sebastian at dahil nga hindi makita ang mag-ina ay nagtanong siya sa teacher nito at doon nalaman na sumakay sa hindi kilalang sasakyan ang bata habang si Luna naman ay umalis.

Agad na kinutuban si Sebastian na mayroong kumuha sa mag-ina niya kung kaya hindi siya nagdalawang isip na ipatawag si Vince at Rocky upang imbestigahan ang nangyari.

Ngunit kahit anong subok nila na humanap ng CCTV ay hindi nila magawa dahil naka-block o burado na ang mga ito. Halatang sinadya iyon ng may kagagawan upang hindi nila malaman kung nasaan si Luna at Celine. Kanina pa nagwawala si Sebastian dahil hindi nila mahanap hanap ang mag-ina niya.

Samantalang si Caroline naman ay nagpunta sa eskwelahan ni Celine dahil alam niya na doon niya makakausap si Luna. Kailangan niya muling kumbinsihin ang babae dahil kung hindi ay baka mapahamak ito. Lalo na noong isang araw ay pinagbantaan na