Chapter 28

“AKALA mo ba hindi ko napapansin?”

Hindi na kailangan lingunin ni Sebastian kung sino ang nagsalita dahil alam niyang si Vince iyon. Nakatanaw siya mula sa glasswall ng kaniyang office sa city lights ng ka-maynilaan habang siya ay sumisipsip ng wine.

“What was that Ian? Anong meron kay Celine at bakit mo siya binibigyan ng ganoong atensyon?”

Tanong ni Vince sa kaibigan ngunit katulad kanina ay hindi siya pinansin nito. Nakatayo lamang si Vince habang nakatingin sa nakatalikod na kaibigan. Hindi niya talaga ito maintindihan kahit kailan.

Maya-maya ay napailing nalang siya. Ganitong ganito si Sebastian kapag mayroon itong bagay na ayaw pag-usapan. Kahit tanungin mo siya ng tanungin ay hindi ito sasagutin na tila nakikipag-usap ka sa isang hangin.

“Manmanan mo si Ivan.”

Napakunot ang noo ni Vince ng sabihin iyon ng kaibigan.

“Si Ivan?”

“Open your phone. Himala at huli ka sa balita ngayon.”

Dahil sa sinabi ni Sebastian ay dali-daling binuksan ni Vince ang kaniyang cellphone at nagulat sa