Chapter 122

AGAD na pinunasan ni Sebastian ang kaniyang luha at sumeryoso. Hindi dapat siya magpadala sa pinapakita nito sa kanila ngayon. Sa buong buhay niya ngayon lang naging ganito ang trato ng ama sa kaniya kaya nakakapagtaka iyon. Baka isa nanaman iyon sa mga plano nito at may gawin na kakaiba sa kaniya.

“Hindi kami magtatagal dito. Uulitin ko, sumama ka saamin dahil mayroon gustong makita ka.”

Seryoso niyang sabi habang ang mga kaibigan niya ay kumakain ng cookies dahil hindi nila akalain na masarap iyon.

Ngunit imbes na pansinin ang sinabi niya ay hindi nito pinakinggan iyon at nagsalita.

“Job well done, Sebastian. Sabi ko na nga ba at kaya mong pabagsakin ang pamilya Eve na iyon.”

Napatigil sa pagkain ang dalawa at sabay sabay silang napalingon kay Ricci ng sabihin niya iyon.

“Kaya ko inilapit sa’yo ang pamilya Eve para tignan kung ano ang kaya mong gawin para sa pamilya mo. Hindi ko akalain na magiging katulad ka saakin Sebastian. Hindi mo dapat inuulit ang pagkakamaling gina