Chapter 24

Mag-uumaga na at ngayon pa lang matutulog si baby Heather. Napahikab ako at dahan-dahang bumaba ng kama. Inayos ko ang pagkakapusod ng magulo at halos hindi ko na nasusuklay na buhok, bago ako lumabas ng silid upang kumuha ng kape sa may kusina.

Magtatrabaho muna ako ng tatlong oras bago ako matulog. May dalawa hanggang apat na oras pa akong maitutulog mamaya, bago gumising ang aking anak.

Ang hirap pala. Sobrang struggle din pero kailangang kayanin. Paano kaya magkaroon ng katuwang?

Tsss! Hayan ka na naman, Myla.

"Good morning..."

Sabay kaming pumasok ni Rachelle sa kusina. Bitbit niya ang kaniyang laptop.

"Good morning! Tulog na ang prinsesa?"

"Yup..." Hinilot ko ang aking balikat. Nangalay kasi ito. Ang bigat niya tapos magdamag na nagpakarga. Napangiti ako. Mabilis lang lumipas ang panahon, kaya sulitin na habang baby pa siya. Hindi mamamalayan, naglalakad na siya, tumatakbo at ayaw ng magpakarga.

Kahit kulang sa tulog at pahinga, laban lang. Ganiyan talaga maging isang si