Chapter 19: Paghaharap



[19]

Paghaharap

***

Ngayon ang araw ng farewell party ni Marjorie. Hindi pa rin ako sure kong pupunta ako o hindi. 'Di ko kasi alam kong kaya ko na siyang harapin sa kabila ng ginawa niya sa akin. Nandoon pa rin 'yong takot na baka masaktan lang ulit ako.

Nasa office ako ngayon dahil may tinatapos akong mga paper works nang biglang nag-ring ang phone ko. It was kuya Brett. I know it already that he calls me to remind about the event today which is the farwell party of Marj.

Bumuga muna ako ng malakas na hangin bago siya sinagot. "Kuya?"

"Dude, saan ka na? The party is about to start," sabi niya sa kabilang linya.

"Kuya, kasi..."

"Don't tell me naduduwag kan a naman. Dude, hanggang kailan mo dadalhin 'yan?" Pangaral niya sa akin. "Hindi nakakabuti sa iyo 'yan. Sisirain niyan ang future mo."

Matagal ako bago sumagot. Pinag-iisipan kong mabuti kung ano ba ang dapat kong gawin. "Sige, Kuya. Susunod na lang ako. Malapit na rin akong matapos," wika ko saka binaba na ang tawag.

Huminga ako ng malalim sa hindi mawaring gulo na tumatakbo sa loob utak ko. Naisapo ko na ang aking ulo at halos sabunutan ko na ang aking sarili dahil sa mga bumabagabag sa isip ko. Magkahalong emosyon ang nararamdaman ko ngayon. Hindi ko alam kung ano ba talaga itong nararamdaman ko. Takot at kaba na tila rin ay may panghihinayang.

"Roj,"

Napalingon ako sa aking lukuran nang sumulpot si Kuya Kheno. Siya ang nakakatandang kapatid ni Brett at ang Vice President dito sa Santillan Group of Companies na dating CEO ng Santillan Food Corporation.

"Kuya," tugon ko saka siya hinarap.

"Bakit nandito ka pa? Hindi ka ba pupunta sa party ng mga De Guszan?" He asked.

Napakagat ako sa aking pang-ibabang labi bago sumagot. "May tinatapos lang ako," tugon ko sa kanya.

"Pupunta ka ba sa party?" Tanong niya ulit?

"Hindi pa ako sigurado, eh," pag-amin ko sa kanya.

"Invited rin kasi ako. Kung gusto mo, sumabay ka na sa akin."

"Sige, Kuya. Para may kasama rin ako," tugon ko.

Mabilis kong niligpit at inayos ang mga nagkalat na papers sa desk ko. Umuwi muna kami ni Kuya Kheno sa bahay upang maghanda at sabay na pumunta sa bahay ni Marj kung saan gaganapin ang party.

"Hindi ka pa ba papasok sa loob?" Tanong niya nang mapahinto ako sa harap ng gate.

"Sege, Kuya. Mauna ka na sa loob. Magpapahangin na lang muna ako dito," tugon ko sa kanya. Hindi ko pa rin alam kung kaya ko ba. Mas lalong bumilis ang pintig ng puso ko na tila ba gustong kumawala sa dibdib ko.

"Sige," aniya at pumasok na sa loob.

Bumuga ako ng hangin habang pinagmamasdan siyang naglakad papasok sa loob. Hindi ko maintindihan ang nararamdaman ko sa mga oras na ito. Sobrang kinakabahan ako at anytime baka maihi pa ako sa sarili kong salawal.

Malaya kong pinagmamasdan ang pagdating at pagpasok ng ilang mga bisita. Mga elites ito na nanggaling din sa ibang mayayamang kompaya. Kilala ko ang iba sa kanila dahil nakaka-meeting ko na sila at ang iba ay partners namin.

Nagulat ako ng biglang sumulpot sa likuran ko si Apple. Napanganga ako at napahanga sa simpleng ganda niya. Naka-white dress ito na hanggang tuhod ang haba. Pinaresan pa ng light make up at nakaayos ang buhok sa likod. Malawak ang ngiti niyang lumapit sa akin.

"Rojan?" Untag niya sa pagkatulala ko.

"Apple, ikaw pala. Sino ang kasama mo?" Tanong ko sa likod ng pagkahiya. "Nasaan si Kuya?"

"Naiwan niya kasi ang cellphone niya sa bahay kaya binalikan niya," sagot nito.

"Uh, gano'n ba?" Medyo nakasimangot kong sabi.

"Ikaw? Bakit 'di ka pa pumasok sa loob?" Tanong niya sa akin.

Hindi ko siya nasagot agad. Nanatili akong tahimik at naging sunod-sunod ang paghinga ng malalim. Hindi ko kasi alam kong ano ang isasagot ko sa kanya.

"Alam ko na. Kinakabahan ka, noh?" Pang aasar niya sa akin na halos mapunit na ang bibig sa kakatawa.

Kumunot ang noo ko. Halata ba sa hitsura ko na kinakabahan ako? Bad trip naman, Rojan!

"Wait, ako ang bahala sa 'yo." Nakangiti niyang sabi.

"Anong gagawin mo?" Tanong ko na puno ng pagtataka.

"Sumunod ka na lang." Nagulat ako nang bigla niyang hinawakan ang kamay ko. Malambot ito at parang may kuryente na mabilis na kumalat sa buong kalamnan ko.

"Hold my hand. Ako ang bahala sa 'yo," nakangiti niyang sabi at nauna na siyang humakbang pumasok sa loob. Hindi na ako naka-imik pa. Napapasunod na lang ako sa kanya.

"Apple," sambit ko sa pangalan niya.

"Don't worry. Just relax," sabi niya na deri-deretso ang pagpasok sa loob ng venue.

Hindi na ako nakapalag sa ginawa niya. Sa totoo lang, biglang gumaan ang pakiramdam ko na kanina lang ay sobrang kinakabahan.

"Apple, anong ginagawa mo?" Hindi ko pa rin mapigilang mapatanong sa kanya kung bakit ginagawa niya ito ngayon. Masarap man sa pakiramdam dahil hawak ko siya sa kamay niya pero naguguluhan pa rin ako.

"Ako na nga ang bahala sa 'yo," paninigurado niya.

Napahinto kami sa aming paghakbang nang makasalubong namin si Marjorie.

"Roj," sambit niya na ang mga mata ay natingin sa kamay namin ni Apple.

Natamimi naman ako. Hindi ko alam kung ano ang magiging reaksyon ko. Ang tanging nagawa ko lang ay ang titigan siya sa mukha. She's still beautiful like before. Walang paring nagbago sa kanya.

"Roj, how are you?" Tanong niya.

Hindi pa rin ako nakasagot. Hindi ko alam pero parang may bumabara sa lalamunan ko dahilan upang hindi ako magkapagsalita. Para rin akong na estatuwa sa kinakatayuan ko at 'di makakilos.

Ito na nga ba ang sinasabi ko, eh. 'Yong paghaharap naming dalawa. Na hindi ko alam kong kakayanin ko ba o hindi. Sa tingin ko hindi pa talaga ako handa.

"Roj, are you okay?" Tanong niya ulit sa akin.

Naramdaman ko ang paghigpit ng pagkakahawak ni Apple sa kamay ko. Nakangiti siya nang lingunin ko ngunit hindi ko mabasa kung ano ang laman ng isip niya.

"Babe, tinatanong ka niya. Kumusta ka na raw?" Malambing niyang sabi sa akin.

Tinitigan ko siya ng masama dahil sa mga pinagsasabi niya. Babe? Really tinatawag niya akong 'babe'. Ano 'to, magpapanggap kami?

Pinandilatan niya ako ng mata nang lingunin ko siya.

"Hi, I'm Apple. Rojan's new girlfriend." Sarcastic niyang bati kay Marj.

Mukha namang effective ang ginawa niya. Nakita ko ang pagkagulat sa mukha Marjorie. Kumunot ang noo nitong tinitigan si Apple mula ulo hanggang paa.

Natuwa man ako sa naging reaksiyon niya, mas nagulat naman ako sa ginawa ni Apple.

"You might be, Marjorie. Right? The ex-girlfriend," sabi niya sabay lahad ng kamay kay Marjorie. "Nice meeting you."

Kitang-kita ko pa rin ang pagkagulat ni Marj. Kahit ako nagulat sa ginawa niya pero wala na akong oras na pigilan siya. Hinayaan ko na lang siya sa plano niya.

"Yes, Marjorie de Guzman. Nice meeting you too." Sabi nito at tinanggap naman ang kamay ni Apple. "Salamat sa inyong pagpunta. Enjoy the night."

"Thank you," sagot ni Apple.

"Excuse me," aniya at mabilis na umalis para puntahan pa ang ibang mga bisita.

"Anong bang ginagawa mo?" Kunot-noo kong tanong kay Apple nang maka-alis na si Marjorie.

"Ginawa ko lang 'yon para sa 'yo. Halatang kinakabahan ka, eh. Hindi ka nga makasagot sa mga tanong niya." Sermon niya. "Nakita mo naman ang mukha niya 'di ba. Gulat na gulat siya. Magaling kaya akong umarte. Pang-best actress," nakangiti niyang paliwanag.

"Hindi mo pa rin dapat ginawa 'yon." Irita kong sabi sa kanya.

"Bakit hindi?" Tumaas ang isang kilay niya.

"Apple!"

Sabay kaming napalingon kay Kuya Brett. Agad din namang naghiwalay ang kamay naming dalawa.

"Brett," sambit ni Apple.

"Nandito lang pala kayo. Kanina ko pa kayo hinahanap," bungad nito.

Iniwan ako ni Apple at lumapit ito kay Kuya Brett. Ang tanging nagawa ko lang ay ang tingnan silang dalawa.

"Nakausap namin si Marjorie kani-kanina lang," kwento ni Apple kay kuya.

"Mabuti naman kong gano'n," wika niya saka bumaling sa akin. "Okay ka lang, dude?"

Nginitian ko siya. "Yes, Kuya. Okay lang ako."

"Ladies and gentlemen." Anunsiyo ng lalaking nasa stage. Si Mr. De Guzman. Ang tatay ni Marjorie. "May I have your attention, please. Gusto ko lang malaman niyong lahat na special ang gabing ito dahil hindi lang ito farewell party ng anak kong si Marjorie."

Nakatuon ang attention ng mga bisita kay Mr. De Guzman. Halatang inaabangan ang special announcement nito.

"May I call on, my lovely daughter Marjorie de Guzman and my future son in-law Jaspher Mariano."

Umakyat naman ang dalawa sa stage. Kumunot ang noo ko dahil pamilyar sa akin ang lalaking kasama ni Marj. Tama, siya nga ang anak ng ka-kompetensiya namin sa business. Ang Mariano Holdings. Ibig sabihin siya ang ipinalit ni Marj sa akin?

"Tonight is the special night to the both of them. I happily to announce that Jaspher and Marjorie are engaged and planned their wedding soon in San Francisco." Dugtong ni Mr. De Guzman.

Nagpalakpakan ang mga tao sa paligid maliban sa akin. Nakakuyom ng mariin ang kamay ko.

Totoo ba? Engaged na siya? Ang babaeng sobra kong minahal noon?

Biglang nanariwa sa akin ang lahat. Si Jaspher pala ang ipinalit niya sa akin?

" Just tell me, why?"

"Gusto mong malaman ang totoo? May mahal na akong iba. Yes Roj, niloloko kita kaya tigilan mo na ako!" ~

Nanariwa sa akin ang lahat. Bumabalik ang hapdi, sakit, pait at galit na dulot niya. Sobrang dinurog niya ang puso ko.

Ikinuyom ko pa ng mahigpit ang aking mga kamao para pigilan ang aking galit. Hindi ko maiwasan at tuluyan nang nag-uunahang magbagsakan ang mga luha mula sa aking mga mata.

The pain are still there.

***