Chapter Thirty-nine

WALANG pasok ang mag-asawa sa opisina ngayon kaya minabuti nilang mamili sa department store. Magkatuwang sila sa pagdedesisyon ng bibilhing mga gamit ng kanilang magiging anak.

Sinigurado nilang mabili lahat ng nasa listahan mula sa newborn essentials gaya ng kumot, damit, socks and mittens, bibs, at iba pang cute na mga gamit ng baby hanggang sa bassinet, car seat, at stroller nito.

Inayawan ni Jemima ang ipinakita sa kaniyang breast pump ni Harry. Pakiramdam niya kasi ay masasaktan siya doon. “No need for that. I’ll bring the baby anywhere I go.”

“It’s best to be prepaid for some circumstances. You might need this once or twice,” pangungumbinsi niya sa asawa. Nakinig naman ito sa kaniya.

Hindi niya sigurado kung umaayon ba ang asawa sa ipinupunto niyang kahandaan o wala lang itong ganang makipagbardagulan sa kaniya. Lately ay napapansin niyang may katamlayan ito sa pagkilos.

Sa gilid ng mga mata ni Jemima ay napansin niyang may isang babaing kumukuha ng video sa kanilang mag-a