Chapter 72

Lumipas ang araw at dumating na araw ng sabado. Alas sais ng hapon ay lulan na sila ng kotse ni Diego papunta sa apartment ng kanyang kaibigan. Maaga pa nga sana kung hindi kung anu-ano ang mga binibilin ni Eros kay Diego. At halata ang pagkainip sa mukha ng huli dahil parang hindi matatapos ang mga sinasabi ng una. Nakahinga lang sila ng maluwag nang tuluyan na silang payagang umalis ni Diego.

Lumiwanag ang mukha ni Bree nang mapagbuksan sila ng pinto. Hindi na ito nagulat na kasama niya si Diego dahil nasabi na niya rito na kasama nilang magce-celebrate ang lalaki.

Nanunuksong tinignan sila ni Bree kaya lang ay pinanlakihan niya ito ng mata para putulin ang kung ano mang iniisip nito. Kahit na aasarin lang siya nito pero ayaw niyang mag-isip ng iba kung may nakikinig man sa kanila ngayon.

“Bal*w!” nakairap na sikmat niya sa kaibigan na pilyang humagikgik.

“Ok! Hindi na kita aasarin,” seryoso na ang tonong saad ni Bree at isinara ang pinto. “Alam ko na ayaw mong sa Midnight Haven tay