Chapter 127

"C-Cassie..." Lumayo si Lorah kay Midel at napahugot ng malalim na paghinga. Kunot noo niya itong tiningnan. "Ano'ng ginagawa mo rito?"

"Ano pa nga ba, Lorah? Nandito ako para bisitahin ka." Nilipat ni Cassandra ang kan'yang paningin sa lalaking pumigil kay Lorah na saktan ang kan'yang ina. Blanko rin siyang tiningnan ng lalaki bago ito humakbang patungo kay Cassandra. Tumayo ito sa tabi ng babae at pinagmasdan si Lorah na napaismid na lamang.

"Theon," mahinang usal ni Cassandra. "Bring my mom back to the car. May pag-uusapan lang kami ni Lorah."

"Mmm." Tumango ang lalaki at nilapitan ang ina ni Cassandra. Kahit nais ni Midel na pumalag kay Theon ay hindi na niya ginawa dahil sa nakikita niyang reaksyon ng kan'yang anak ngayon. Kalmado lamang ito ngunit mabigat ang intensidad ng titig na binibigay nito kay Lorah.

"I'm sorry, Cassie, Anak," ang tanging naiusal ni Midel bago nagpatangay sa magaang hatak sa kan'ya ni Theon. At nang tuluyang mawala ang dalawa ay saka kumapal ang tensyon s