2. The Making of a Sharp Shooter

Ilang taon na ang nakaraan subalit hindi pa rin mawala ang galit sa puso ni Melanie. Kitang kita niya kung paano binaril ni Ortega ang kanyang ina at ama. Nang matunugan ng kanyang ama na sinalakay sila ni Ortega sa bahay nila mismo ay pinagtago siya nito sa hidden room. Mula doon ay kita niya mismo kung paano pinahirapan ni Ortega ang kanyang ama at ina bago barilin ang mga ito sa ulo.

Gusto niyang lumabas noon sa pinagtataguan para iligtas ang mga magulang subalit alam niyang wala rin siyang magagawa sa dami ng mga tauhan ni Ortega. Nagtatawanan pa nga ang mga ito habang nagmamakaawa ang kanyang ina pero walang puso ang mga ito. Kaya kasabay ng pagtulo ng kanyang mga luha at impit na pag-iyak ay ipangako niya sa sarili niyang ipaghihiganti niya ang ginawa ng mga ito sa mga magulang niya. Numero uno na babalikan niya si Ortega.

Kailangan na niyang tumakas bago pa halughugin ng mga ito ang buong bahay at matagpuan siya sa kanyang pinagtataguan. Dahan dahan niyang binuksan ang maliit na pinto kung saan may makipot na hagdan paakyat sa bubong. At mula sa bubong ay gagamit siya ng tali pababa deretso sa ilog kung saan ay sasakay siya sa inflatable raft na nakatago sa bubong din.

Matagal na itong pinaghandaan ng kanyang ama na para bang alam nitong darating ang araw na ito. Naturuan na rin siya kung paano mabilis mag inflate ng raft at kung paano mag rapel sa tali deretso sa ilog.

Kailangan na niyang magmadali dahil dinig niyang hinahalughog na ng mga ito ang buong bahay. Naghihiyawan pa nga at sinasabihan siyang lumabas mula sa kanyang pinagtataguan.

Dali dali niyang ikinabit sa kanyang katawan ang belt kung saan niya ikakabit ang tali bago siya nag rapel pababa sa ilog. Sumakay siya sa raft at nagpatangay siya sa agos ng tubig.

Hindi pa niya siguro oras na mamatay sa ngayon dahil katatapos lang umulan kaya malakas ang agos ng tubig. Kaya nang namataan na siya ng mga tao ni Ortega ay natangay na siya ng agos palayo.

Labinlimang taon pa lang siya noon pero parang kahapon lang nangyari ang lahat.

Nangingig ang mga kamay ni Melanie sa halo halong emosyon na nararamdaman niya ngayon. Death anniversary ng mga magulang niya kaya naalala na naman niya ang nakaraan. Kailanman ay hinding hindi niya makakalimutan ang ginawa ng mga Ortega sa mga magulang niya kaya nararapat lang na pagbayarin niya ang mga ito. Buhay ang inutang, buhay din ang magiging kabayaran!

Binunot niya sa kanyang holster ang 357 magnum before aiming at her target, sa isip niya ay si Blake Ortega yun na unico iho. Isang kalabit lang sa gatilyo ng baril ay bulls eye niyang natamaan ito sa puso. Napangisi si Melanie sabay bulong, "Vengeance is mine, and I will repay."

Matagal nang pinaghandaan ni Melanie ang araw na ito kaya her chance of failing to avenge is zero. Titiyakin niyang luluha ng dugo si Mr. Ortega kapag napatay niya ang unico iho nitong si Blake.

"Melanie, matanong ko lang, ang rason ba kung bakit ka sumali sa samahan ay para maglingkod sa bayan o personal?" Tanong ni John. Ito ang nag recruit sa kanya na sumali sa grupo ng mga ito.

Napatingin si Melanie dito. "Does it matter? Basta ibalato niyo na lang sa akin si Blake Ortega. I am his doom!"

Natawa si John. "Parang obsessed ka yata sa Blake Ortega na yan."

"If I say yes, may magagawa ka ba para pigilan ang obsession ko?"

Napabuntong-hininga si John. "Just to remind you na hindi basta bastang tao ang babanggain mo. He is dangerous, Melanie."

Natigilan si Melanie sa narinig. Agad niyang muling ikinasa ang hawak niyang magnum habang nakatitig kay John. "And so am I!" Sabi nito bago kinalabit ang gatilyo ng baril nang hindi nakatingin sa kanyang target.

Nagpalakpakan ang naroroon.

Melanie is a sharp shooter, hindi pa ito pumalya kahit minsan sa target shooting kahit nakapikit man ito. And she is very proud of that. It took her years of practice bago siya naging bihasa sa target shooting. So once she decides to pull the trigger kay Blake ay hindi ito mabubuhay. Muli siyang napangisi sa naisip.

It's about time na sila ay magkaharap sa pinangingilagan at kinatatakutan na anak ng big boss ng jueting Lord na si Antonio Ortega. Hindi siya natatakot dito, bagkus ay ito ang dapat matakot sa kanya dahil sila ang may atraso sa kanya.

Ang hindi alam ng kanyang mga kasama ay anak siya ng dating leader ng mga sindikato o Mafia kung tawagin sa West, pero hindi na niya kailangang ipaalam yun sa kanila. Balang araw ay makikita rin niya ang mga taong loyal sa kanyang ama. Kapag nangyari yun ang muli niyang bubuhayin ang legacy ng kanyang ama kung kinakailangan para buwagin si Ortega na sigurado siyang nakinabang sa mga naiwan ng kanyang ama.