Chapter 84

Wala akong lakas para tumayo at magdiwang sa balitang makaaalis na ako sa Tenement. Nakasubsob ang mukha ko sa lamesang antique habang nilalaro ang ballpen sa kaliwa ko kamay. 

'Ba't hindi ko magawang tuluyang maging masaya?'

Naalaala ko lahat-lahat nang nangyari sa akin sa lugar na 'to. Simula noong unang araw ko bilang isang landowner, hanggang sa nagsidating pa isa-isa ang mga tenants ko. 

Ang mga unang taon ay hindi naging maganda para sa akin. Punong-puno pa ako ng takot at resentment sa ginawa kong pagpirma sa titulo nang pangangalaga sa Tenement. Ilang beses akong nagtago at pinilit na makaalis sa lugar na 'to ngunit hindi ko magawa. 

Halos araw-araw kong ina-abandona ang paupahan pero sasapit parati ang umaga na makikita ko ang aking sarili na nasa paligid ng Tenement. Sumpa na nga ata ito para sa akin, kailangan kong tanggapin na mananatili ako sa lugar sa loob ng mahigit tatlong daang taon.

Nagkaroon ako ng na