Chapter 33- Azalea

My baby

Nang makadaong ang bangka ay tinangay ko ang bag ni Doktora at iniwan lamang sa kaniya ang pitaka niyang tanging mga card na lamang ang laman. Maari naman siyang mag-withdraw kaya nilimas ko ang lahat ng cash niya. Kinuha ko rin ang cellphone niya matapos kong ma-unlock iyon gamit ang daliri niya. Hindi ko na nilingon pa ang bangkerong tumatawag sa akin.

Agad kong binuksan ang GPS ng cellphone nang makalayo kami para malaman kung anong lugar ito. Maraming tao sa paligid pero hindi ko sinubok na magtanong sa kahit na sino. Natatakot ako na baka mayroong tauhan si Aram dito at ibalik kami sa isla. Mas mabuting solusyunan kong mag-isa kung paano ako uuwi.

Bayan ng Tagdan. Iyon ang nakita ko sa isang arkong nalagpasan ko kanina. Mukhang nasa Luzon lang rin kami dahil tagalog din naman ang salita ng mga tao. Nagpatuloy lang ako sa paglalakad at pagmamasid sa paligid.

“Mama, hungry.” Saka ko lamang naisipan na kamustahin ang aking a