57. TWISTED (EXPLICIT CONTENT)

'BAKIT PA AKO NAGISING?'

Mga salitang unang pumasok sa isip niya ng magmulat siya ng mata. Pamilyar ang kwarto na kinaroroonan niya, ito ang kwarto ni Piero na pinagkulungan sa kanya bago siya dinala sa secret room nito.

Hindi siya gumalaw sa kinahihigaan. Ang mga mata niya na walang buhay ay nanatili lang na nakatuon sa kisame.

Bumukas ang pinto at pumasok si Amara. Hindi siya kumibo ng hawakan nito ang kamay niya na may dextrose.

"Gina..." Nanginginig ang kamay nito. "Hindi ka pwedeng sumuko. Kailangan mo maging matapang."

Hindi siya sumuko ng paulit-ulit. Matagal siyang lumaban at naging matapang para mabuhay, pero may nangyari ba? Gusto niyang sabihin lahat ng 'yon kay Amara pero hindi niya magawa. Talagang pagod na pagod na siya.

"Please tell me, Gina. Ano ang kailangan kong gagawin ko para matulungan kita?" Puno ng pag aalala ang boses na tanong ni Amara.

Kumibot ang nanunuyo niyang labi. Ang kaninang walang emosyon na mata ay nagkaro'n ng pagsamo. "G-Gusto ko ng mamatay..." sa