CHAPTER 149.

ANGEL

Kinabukasan nagising si Angel sa sinag ng araw na tumatama sa balat niya. Papikit-pikit ang mga mata na iminulat niya ito. Bahagyang siyang bumangon at sumandal sa headboard ng kama. Napatingin siya sa bintana at nakita niya ang mommy Coleen na inaayos ang pagkakagilid ng makapal na kurtina at binuksan ang sliding glass window.

"Good morning, mhie," bati niya sa mommy niya kahit nakatalikod pa ito sa gawi niya. Pero agad naman itong humarap sa kanya nang marinig ang boses niya.

"Oh, gising ka na pala anak. Kamusta na ang pakiramdam mo? Masakit pa ba ang ulo mo?" malambing na tanong nito at nakangiti na lumapit sa kanya.

Hindi naman na masakit ang ulo niya, medyo maayos na rin ang pakiramdam niya. Hindi niya akalain na lalagnatin siya ng sobra dahil lang sa pagkawasak niya. Umangat pa siya ng pagkakaupo muli at pinakiramdaman kung kumikirot pa ba ang pagkababae niya. May nararamdaman pa naman siyang konting kirot pero hindi na kagaya noong kahapon na halos hindi siya makalakad. I