KABANATA 6

Mabilis na ibinaba niya ang baso sa bar counter at saka tumayo para magpaalam na sana nang bigla siyang napaupo uli.

Bigla yata siyang nakadama ng pagkahilo sa pagtayo niyang iyon. Agad na inalalayan siya nito na makaupo nang maayos.

"Are you okay?" Nawala na ang ngiti nito nang itanong iyon.

Ipinilig niya ang ulo. Bumuti-buti na uli ang pakiramdam niya pero parang may kakaiba siyang nararamdaman. Bumuntunghininga siya uli.

"I-I'm fine."

"Give me a glass of water." Utos nito sa bartender saka ibinigay sa kanya ang baso ng tubig para ipainom.

Agad na tinanggap niya iyon at inubos lahat. Uhaw na uhaw ang pakiramdam niya.

"Naparami ka na ba agad ng inom?" Worried na tanong nito.

"H-hindi pa naman." Baka epekto lang iyon nang pagpapalipas niya ng gutom, naisip niya.

Magpapaalam na sana siya rito nang biglang nag-vibrate ang phone niya. Nang tingnan niya iyon ay nakita niyang si Mhariel uli ang tumatawag. Inis na kinansel niya ang tawag pero parang ayaw nitong tumigil.

"Who's that? A jealous boyfriend?" Curious na tanong nito habang tumungga uli ng alak.

"N-no, it was just-" Natigilan siya nang hindi sinasadyang na-accept ang video call ni Mhariel.

Napatitig siya sa screen. Nakaupo sa sala si Dino sa loob ng nirerentahan nitong bahay habang umiinom ng alak. Nakita niya si Mhariel na papalapit sa lalaki. Panay pa ang tingin ni Mhariel sa camera na parang nang-iinis.

Tumabi ito sa ex niya saka hinalikan ang lalaki na hindi naman tinututulan ni Dino. Bagkus ay niyakap pa nito sa beywang si Mhariel. Inis na pinatay niya na ang video call saka ang phone para hindi na siya matawagan uli ng babae.

"Problem with your lover?" Walang ano mang tanong nito.

Hindi niya alam kung nasilip din nito ang nasa screen ng phone niya kanina kaya nasabi nito iyon o nanghuhula na lang base sa reaksiyon ng mukha niya. Napatitig siya uli sa gwapong mukha ng lalaki.

Hindi siya nag-ayos nang gano'n para lang sayangin ang gabi niya sa pag-iisip sa dalawang taksil. Hindi ba't sabi niya kanina ay magkukunwari siyang ibang tao kahit man lang sa gabing iyon bago niya haharapin uli ang sakit sa puso niya kinabukasan?

Ipinasok niyang muli sa bag ang phone saka isinara iyon. Kinuha niya ang basong nasa tabi niya saka ininom iyon nang diretso habang hindi inaalis ang mga mata sa lalaking nasa harap. Nakuha yata ng lalaki ang gustong ipahiwatig ng mga mata niya kaya't kumuha uli ito ng baso ng alak saka uminom na rin kasabay niya habang nakikipaglabanan ng tingin sa kanya.

Kitang-kita niya ang malagkit na pagkakatingin nito sa kanya.

Hindi niya alam pero kusa na ring ngumingiti ang mga labi niya nang ibaba ang wala nang laman na baso. Ang gaan bigla ng pakiramdam niya at sa tingin niya ay epekto na iyon ng tubig na sabi ni Sheena ay may pampakalma.

"I'm Carina. Sean, right?" Siya na ang kusang nag-abot ng kamay dito. Pinanindigan na niya ang pangalang binanggit ni Sheena kanina.

"Yep, I'm Sean. Carina's a nice name." Maikling sagot ng lalaki at nakipagkamay sa kanya.

Mahigpit ang pagkakahawak nito sa kamay niya at halos ayaw na nitong bitiwan iyon. Imbes na kunin sa lalaki ang kamay ay hinayaan niya lang ito.

Hindi na niya tinitigilan ang alak dahil gusto niya ang pakiramdam na ibinibigay no'n sa kanya. Sa unang pagkakataon ay para siyang ibong nakawala sa isang hawla. Walang iniisip na tama o mali. Basta na lang gagawin kung ano ang gusto niya. At ang gusto niya nang gabing iyon ay makipagharutan sa lalaking nasa tabi niya na panay ang ngiti.

Pumupungay na ang mga mata niya at pati ang boses niya ay parang nakikipaglandian na rin sa lalaki. Hindi niya ugaling makipag-flirt kahit kanino at wala talaga siyang talent sa gano'n.

Ganito pala ang pakiramdam ni Mhariel sa tuwing lumalandi ito sa mga lalaki.

Hindi niya maalis-alis ang namumungay na mga mata sa napakagwapong mukha nito. Parang ang sarap haplusin no'n. Hindi niya napansing tumaas na pala ang isang kamay niya para hawakan ang mukha ng nakatawang lalaki.

"I think you're already drunk."

Ngumiti siya habang parang sasara na ang mga mata.

"Yeah, I t-think I'm drunk. N-nakakalango kasi ang kagwapuhan mo." Iyon ang lumabas sa bibig niya na sinabayan pa niya ng tawa.

Titig na titig ito sa mukha niya habang napatawa na rin. Bigla ay inilapit nito ang bibig sa tenga niya.

"Would you like to come with me?"

"Yesh... yesh, t-take me with you."

Hindi na ito nagsalita pa nang alalayan siyang tumayo para umalis. Hindi pa man sila nakakaalis ay nilapitan sila ni Miguel.

"So you've met her already," nakangiting sabi nito kay Sean saka bumalik ang tingin sa kanya.

"Who?" Nagtatakang tanong ng lalaki na hawak na siya sa beywang para huwag matumba sa kalasingan.

"Her. She's our gift to you. Bubuksan mo na ba agad ang package mo?" Nanunudyong tanong ni Miguel.

Siya naman ay papikit-pikit na hindi na nauunawaan ang pinag-uusapan ng dalawa.

"Gift? You mean to say she's a..." Hindi itinuloy ni Sean ang pangungusap nito at bumaling na uli ang tingin sa kanya.

Sakto namang inangat niya rin ang mukha at nginitian nang napakatamis ang lalaki habang namumungay pa rin ang mga mata.

"Yep! But hindi halata, di ba? Tatakas ka na ba with your gift?"

Narinig niya ang mahinang tawa ni Miguel pero wala siyang narinig mula kay Sean.

"G-gift. I-is it your birthday?" Biglang sumabat na siya sa dalawa.

Matagal bago may narinig siyang sagot galing sa lalaki.

"If you're my gift, sana nga araw-araw ay birthday ko."

Bigla na lang siyang tumawa. Ewan ba niya pero ang gaan ng pakiramdam niya na para bang lumulutang siya. Gusto niya lang tumawa nang tumawa. Tama nga yata si Sheena, malaking tulong ang paglabas niyang iyon para makalimutan saglit ang sakit na nararamdaman dahil sa ex niya at sa matalik na kaibigan.

"Umeskapo na kayo, Sean. Ako na ang bahalang magsabi sa kanila," si Miguel na uli ang nagsalita.

Nagpatianod na lang din siya sa lalaki nang magsimula na itong akayin siya pasakay ng elevator. Hindi na siya nagtanong pa kung saan sila pupunta. Habang nasa loob ng kotse nito ay nakapikit na ang mga mata niya. 

Nagulat na lang siya nang maramdamang parang umangat ang katawan niya. Binubuhat na pala siya ng lalaki at papasok na sila sa isang kwarto. Sa tingin niya ay nasa loob na sila ng bahay nito.

Maingat na ibinaba siya nito sa kama at tinititigan siya habang nakahiga. Nagising na agad ang diwa niya kaya't nakipagtitigan rin siya rito habang unti-unting bumangon para umupo sa kama.

Pinagmasdan niya ito nang isa-isa nitong buksan ang butones ng suot nitong polo. Napasinghap pa siya nang makita ang mabalahibong dibdib nito. Itinapon nito sa sahig ang damit nang mahubad iyon at kitang-kita na niya ang magandang hubog ng katawan nito.

"You can still stop me if you want to," seryosong sabi nito na tumigil sa paghuhubad.

Hindi niya namamalayan nang bigla niyang binasa ng dila ang bibig habang nananatiling nakatingin dito. Nakita niya ang kakaibang reaksiyon nito nang makita ang ginawa niya.

"Damn! I don't want you to stop me now!" Parang bigla itong hinihingal nang sabihin iyon.