DRAGON 94.2

Hinanap ko kung saan iyon nanggaling ngunit wala ni isang bakas ni Lily dito sa lugar. Para siyang multo dahil sa kanyang ginagawa at dahil dito ay tumataas ang aking balahibo. Nakakakilabot talaga siya. Hanggang sa ngayon ay hindi pa rin ako makapaniwala na kaming dalawa ay iisa. Tila isa pa rin itong panaginip at senaryo na nabuo sa aking isipan. Parang imposibe pero hindi. Ito ang katotohanan at na kailangan kong tanggapin.

Aaminin ko, kahit noong nasa labas pa lamang ako ng palasyo ay ramdam ko na ang kaba na namumuo sa aking dibdib. Nakakatawa at sa alaala na ito ay malaya na akong nararamdaman ng emosyon. Tandang-tanda ko pa kung paano akong naging isang bato na wala akong pakiramdam. Parang kailan lang. Parang kahapon lamang ang lahat.

'Para na akong isang ganap na tao.'