Chapter Fifty-Nine

T Y L E R

Tinulungan ni Autumn at Shanelle si Mama na linisin ang nagkalat niya mascara sa banyo habang naiwan naman ako sa sala kasama si Bernucci. Binigyan niya ako ng inumin pero hindi ko tinanggap iyon. Sinusubukan ko pang iproseso ang lahat ng ‘to.

May bahagi sa akin na nakahinga nang maluwag dahil hindi ko na ipinagpatuloy ang paghihiganti. Mayroon namang bahagi na nakokonsensya. Buong buhay ko, sinisi ko siya, hinihiling na sana magkasakit siya o mamatay pero hindi niya nga pala na buhay ako hanggang sa tumungtong ako sa edad na lima. Nakokonsensya ako kasi hindi naman pala siya gago. Mabuti siyang tao; gusto niyang puntahan kami kasi inilayo ako ni Mama sa Vancouver nang walang sinasabi sa kanya.

Sabi niya sa akin, nag-offer siya ng scholarship kasi gusto niyang maging bahagi ng buhay ko—kahit na sa maliit na pparte lang. Pero heto ako at nagpaplano na ibuking siya sa pagbibigay ng unauthorized scholarship sa school board. Sa