CHAPTER 63

NICCOS ALLISTAIR....

Inayos n'ya ang pagkakalagay ng anak sa kan'yang jacket na ginawang baby carrier.

"Son don't make noise ok? Don't cry! We are brave, right son?" pagkausap n'ya rito habang sinisigurado na matibay ang pagkakabuhol ng kan'yang jacket.

"P-Pa-pa-pa.... P-Pa-pa-pa," sagot ni Nile sa kan'ya. Hinalikan n'ya ito sa noo at nginitian.

"We can do this son, makakauwi tayo sa mama mo ng ligtas," sabi n'ya rito sabay kuha ng dalawang baril at humanda na para lumabas. Wala s'yang tiwala sa katahimikan sa paligid.

Masama ang kan'yang kutob kaya kailangan n'yang paghandaan ito. Patalikod s'yang naglakad patungo sa pinto dahil nasa harapan n'ya ang anak. Ayaw n'yang ito ang iharap sa mga kalaban kaya naman kahit mahirap ay kinaya n'ya ang maglakad na patalikod.

Dahan-dahan n'yang binuksan ang pinto at inilibot ang tingin sa paligid. Walang katao-tao at walang ingay sa paligid kaya malakas ang kutob n'ya na may inihandang patibong si Gutierrez sa kan'ya.

At hindi s'ya nagkakamali.