CHAPTER 69: FUN DAY  

“Akala ko ba ang sabi mo ay may lakad ka ngayong araw? Bakit nakahiga ka lang diyan?”

Nanatili akong nakahiga sa sofa sa sala at nakatitig sa kisame. Weekend ngayon. Ito mismo ang araw na makikipagkita ako kay Lolo Raoul. Pero hindi ko maintindihan ang aking sarili kung bakit magmula paggising ko ay wala na akong ganang kumilos.

Magmula noong magkasagutan kami ni Jacob noong isang gabi, pakiramdam ko ay mayroong nakadagan sa puso ko na isang mabigat na bagay. Magmula rin ng gabing iyon ay hindi na kami pa nakapag-usap dalawa.

I didn’t want to reach out. Ganoon din siya.

“May problema ka ba?” tanong ni Kuya pagkaupo niya sa adjacent sofa.

“Hindi ko alam, Kuya. Wala naman akong ginagawa pero pakiramdam ko ay pagod na pagod ako.”

“That’s what we called stress, Gab. Wag mong i-nurture iyan. Dahil kapag nagpatuloy iyan, it will lead you to depression.”

Bumaling ako sa kaniya at matagal na tumitig. May sasabihin sana ako pero biglang nawala iyon sa isip ko.

“May problema ka nga.”

Ngumuso ak