Chapter 7

Naiinip na sinipat ni Rhiane ang wristwatch habang nakikinig sa discussion ni Professor Alienza. Napa padyak padyak pa siya sa sobrang inis. 

Napansin ito ni Martina kaya kinalabit siya nito. Inilapit nito ang mukha sa kanya at bumulong.

"Anong kinakainip mo diyan?"

Iniwas niya ang tingin at muling sinipat ang relo. Bakit kasi ang tagal matapos ng lecture? 

"Bakla to oh. Di narinig te?" parinig pa ni Martina at sinundot siya. Sinamaan niya ito ng tingin. Agad din naman itong nag peace sigm at umayos muli sa pagkakaupo. 

Naipikit niya na lang ang mga mata habang hinihintay ang 'class dismissed' ng professor. 

At nang sabihin na nga nito ay nag ala flash siyang lumabas ng classroom. Sinundan naman siya ni Martina. 

"Rhi! Uyy! Teka lang naman! Hintay uy!" sigaw nito habang pilit na sumasabay sa malalaking hakbang niya. 

Hindi niya ito pinakinggan at nagtuloy tuloy lang papunta sa headquarters ng Cryptics. 

Pagkarating doon ay biglang humina ang lakad niya at umusbong na naman ang kakaibang kaba sa kanyang dibdib. Huminga siya nang malalim. 

Kakausapin niya si Darryl, no matter what. At sisiguraduhin niyang maaayos ang gulo nila ngayong araw na ito. 

"Walang tao diyan." Sabay silang napalingon ni Martina sa pinanggalingan ng boses.

"Omg! Fafa AJ!" malanding sigaw ni Martina. Ngumisi naman ang nakapamulsang si AJ. Kumunot ang noo niya. 

"Anong ginagawa mo rito? At paano mo nalamang walang tao?" tanong niya pa. Lumapit ito sa kinalalagyan niya at sinilip silip pa ang loob ng saradong headquarters. 

"Hmm kaninang umaga pa 'yan nakasara. Kaninang umaga pa rin wala ang Cryptics. Wala rin sina Montefalco kanina sa meeting ng varsity," sagot nito. 

Napaiwas ng tingin si Rhiane. Nasaan ang mga ito? May klase ito kanina lang tapos wala? Nag absent ba? 

Napahinga siya nang malalim. Ang kakaibang kaba niya kanina ay mas lalong lumala. Nasapo niya ang noo. Ano nang gagawin niya ngayon? Tiningnan naman siya ni AJ.

"Hmm kung gusto mo, hintayin na lang natin sila. I'm sure pupunta 'yon ngayon kasi may practice kaming varsity," suggest nito. Kinalabit siya ni Martina at tinango-tanguan. 

Napairap siya. Obvious naman na gusto lang nitong makasama si AJ. 

"Rhi...." pangungulit nito at lumabi pa. Tiningnan niya ito nang masama. Humalakhak si AJ kaya napalingon siya rito.

"What?" tanong niya. 

"Wala naman. Ang tigas mo pala nuh? Hmm I thought you were soft and sweet. Sabagay, Political Science student ka so stern dapat," sagot naman nito. Hinimas himas pa nito ang baba tsaka tumango tango. 

Napailing at napairap siya, at talagang pinagkaisahan pa siya ng dalawa ha!

"Rhi makakapag relax ka roon! You know? You need to relax and calm down diba?" pangungumbinsi na naman ni Blake habang si AJ naman ay nakatingin lang sa kanya at tila naghihintay din ng sagot niya. 

Nagpabaling baling ang tingin niya sa dalawa. Sa huli, sumuko na rin siya at tumango. 

○○○○

"Isang order ng wintermelon tea, apple shake at chocolate frappe ba sa'yo Rhiane?" Tinanguan niya na lang si AJ at ibinaling muli ang atensyon sa labas. 

Gaya ng sinabi ng dalawa ay nasa Ferguson Cafe silang tatlo, nag rerelax at naghihintay na rin kung kailan babalik ng campus sina Darryl. 

Halos hindi na nga niya bitiwan ng tingin ang gate ng university dahil baka pumasok na ang mga sasakyan ng mga ito nang hindi niya namamalayan kaya para tuloy siyang timang na nakahilig sa glasswall at nasa gate ng university sa tapat ang tingin.

"Ah Rhi, parang uso namang tumingin din sa iba. Magkaka stiff neck ka niyan, bruha," puna ni Martina sa kanya at pilit na kinuha ang tingin niya pero nanatili itong nakatitig sa gate. Napailing si Martina.

"Haynako, pag-ibig nga naman! Nakakalerky!" nakairap na sambit ni Martina. Tinawanan ito ni AJ tsaka ibinaling ang tingin sa kanya. 

He looked at her in amusement. 

"Alam mo, naniniwala akong kung mahal mo ang isang tao, kahit na anong away, kahit na anong hindi pagkakaintindihan, hinding hindi niya kakayanin ang isang araw na hindi kayo nagkakabati," tila nagpaparinig na sabi nito. Nilingon niya naman ito at tinaasan ng kilay.

"Anong gusto mong iparating?" 

"Hmm wala naman. Naisip ko lang. Random thought." Napailing siya at inirapan ito. 

Kinagat naman nito ang labi para pigilan ang namumuong tawa. 

Hindi na ito pinansin ni Rhiane at nanatili ang pokus sa gate ng university. Ngunit dumating na lang ang orders nila at naubos niya na lang ang frappe ay hindi niya pa rin namataan ang kotse ni Darryl na pumasok. 

Kinagat niya ang labi at sinipat wristwatch na suot. It's already 6 pm. Madilim na rin sa labas at tanging mga poste ng ilaw at mga headlights ng sasakyan na lang ang nagbibigay ilaw sa daan.

Tumikhim si AJ. 

"Alam mo, kanina pa natapos ang meeting sana namin. Wala si Montefalco at ang tatlo roon. Hindi sila bumalik sa University. Hindi rin sila pumasok," sambit nito habang nakatingin sa cellphone. 

Kanina pa nag start ang meeting ng varsity at kanina niya pa rin ito pinapaalis pero nanatili ito sa tabi nila ni Martina. Ni hindi na ito um-attend ng meeting. 

Napahikab si Martina at bumaling kay Rhiane.

"Rhi, uwi na kaya tayo? Parang wit na naman yatang darating si fafa supremo. Bukas ka na lang makipag usap te," sabi nito sa kanya at nag-unat pa ng braso. 

Bumuntong hininga siya at tiningnang muli ang gate ng university bago bumaling kay Martina na parang bibigay na ang talukap ng mga mata. She heaved another sigh bago tumayo at kinuha ang bag niya. 

"Tara na," sabi niya sa kaibigan at naunang umalis ng table. Agad din namang tumayo si AJ at sumunod sa kanila ni Martina. 

"Hatid ko na kayo!" sabi pa nito at bahagyang tumakbo para sabayan siya sa paglalakad. Hindi niya ito pinansin, sa halip ay hinila niya si Martina mas binilisan ang lakad. Pero inilang hakbang lang din siya nito at nakasabay na itong muli sa kanya. 

Lihim niya itong inirapan bago tumigil. 

"Sige na. Wala na masyadong taxi rito. Diba Martina?" Nagsalubong ang kilay niya. At talagang si bakla ang inuto nito ah! Ito namang si bakla oportunista rin kaya panay ang pa cute.

"Ay erm kashi fafa AJ. Out of the way akez kaya shi Rhi na lang. Diba Rhi?" sabi pa nito at pinandilatan siya. 

Sinamaan niya ito ng tingin pero di naman ito nagpatinag. Inirapan niya na lang ito bago nag-iwas ng tingin at nag abang na ng taxi. 

"Sige fafa AJ. Hatid mo na si Rhi!"dinig niya pang pangungulit ni Blake. Napailing na lang siya at pinara ang paparating na taxi. 

Lalakad na sana siya papunta rito nang bigla siyang tinulak ni Martina at kumaripas ito ng takbo papunta sa taxi na pinara niya. 

"What the fuck Martina!"

"Bye bye Rhi! Labyoo!" 

"Martina! Shit!" Inis na ipinadyak niya ang isang paa. 'Yong baklang 'yon! 

"Hmm paano ba 'yan, mag aabang ka ba ulit o sasabay ka na sa'kin?" nagpaparinig na tanong ni AJ. Nilingon niya ito at sinamaan ng tingin. May pa ngisi ngisi pa ang gago!

○○○○

"Di mo na kailangang pumasok ng village. Sa guard's house mo na lang ako i-drop," nakairap na sambit ni Rhiane nang malapit na sila sa village. Kumunot ang noo ni AJ.

"Ba't ba ang sungit mo ngayon? Noong first time naman hindi ka ganyan ah?" tanong pa nito. Hindi niya ito sinagot. Wala siya sa mood makipagsagutan. Napabuntong hininga si AJ.

"Hay mga babae. Ang hirap niyong ispellingin," naiiling na sabi nito at tinuon na lang ang buong atensyon sa daan. 

Dahil sa pagpupumilit ni Rhiane napilitan si AJ na i-drop nga ito sa guard's house ng village.

"Ingat ka!" pahabol na sigaw pa nito kay Rhiane. Hindi niya naman ito pinansin at nagpatuloy lang sa paglalakad. 

Mabigat ang mga paa niyang nilakad ang kabuuhan ng village para makarating sa bahay nilang nasa pinakadulo. 

Iniisip niya ang nangyari kanina. Hindi pumasok si Darryl. Wala ang power trio. Wala rin ang buong frat sa campus! Anong ibig sabihin noon? Kung may ginagawa ito ng mga kaibigan niya, bakit pati ang ibang fratmen wala roon. 

'Yan ang mga tanong na bumabagabag sa kanya kanina pa. Ang kakaibang kaba na naramdaman niya kanina ay naroon pa rin. She really feels something is going on. 

Isa pa ito sa problema niya. Hindi pa nga sila nagkakaayos ni Darryl, may kung anong ganito na naman ang nangyayari. Pero bakit pakiramdam niya konektado lang lahat? 'Yong nangyari sa kanila at itong nangyayari kay Darryl ngayon. What does this mean?

"Maam Rhiane?" Bahagya siyang natigilan at nag angat ng tingin. Kunot noo naman siyang pinagmasdan ng guwardiya nila. 

Doon niya napagtantong nasa harap na pala siya ng gate nila. 

"Ah sige po kuya. Pasok na po ako," tanging nasabi niya at pumasok na sa loob. Na we-weirduhang tumango naman ang guard. 

Nadatnan niyang nag aayos ng mga gamit sa sala ang mayordoma nila at ang tatlong katulong naman ay nagpapalit ng mga sapin ng sofa. 

"Manang wala pa po ba sina Ate?" tanong niya sa mayordoma habang hinuhubad ang sapatos. 

"Wala pa Rhian. Na kina Sean at may gagawin daw," sagot naman nito. Tumango na lang siya at nilagay ang sapatos sa shoe rock malapit sa pinto. Pagkatapos ay pumanhik na siya sa itaas. 

Agad niyang kinuha ang cellphone pagkarating ng kwarto. Sumalampak siya sa swivel chair at binuksan ang conversation message nila ni Darryl pero sa kasamaang palad wala itong reply kahit isa sa mga messages niya. 

Napabuga siya ng hangin at inilagay ang cellphone sa study table. Binuksan niya na lang ang flatscreen na tv at umupo sa sofa bed na katapat nito. 

"The prestigious school, St. Ignacio University is facing a huge crisis," 'yan ang bumungad sa kanya nang bumukas ang tv. Kunot noong tinaasan niya ang volume nito. 

"Kani kanina lang ay nahuli ang mahigit dalawampong kabataang nasangkot sa isang fraternity war sa isang abandonadong lote malapit sa Maternio De Ale University, kung saan nanggaling ang Alpha Beta Phi fraternity ang kalabang ng Cryptics ng St. Ignacio University. St. Ignacio University is popularly known due to its elite students who are usually the heirs and heiress of their family who are Businessman, politicians, medical specialist and many more. Pagmamay-ari rin ito ng isa sa pinakamayamang angkan sa asya, ang mga Ferguson at shareholders naman nito ang mga kinapipintagang pangalan sa mundo ng negosyo. Pero sa nangyaring ito, tila may pagkukulang ang university sa pag didisiplina sa nag-iisang fraternity ng eskwelahan. Ano nga ba ang tunay na nangyari? Will John Ferguson allow this kind of attitude in this elite school?" 

Nakaawang ang bibig at hindi makapaniwalang nakatingin si Rhiane sa tv. Tila nag hang ang buong katawan niya at isang bagay lang ang ang tumatak sa kanyang isip. 

Darryl...

Agad siyang napatayo at dali daling kinuha ang cellphone sa study table. 

Natatarantang di-nial niya ang number ni Darryl. Pero gaya kanina ay hindi ito ma contact. 

Nahilot niya ang sintido at napapadyak padyak.

"Darryl ano ba..." naiiyak niyang sambit at di-nial ang number ni Sean.

"Hello, Rhi?" 

"Sean! Sean I need your help!" natatarantang sambit niya sa kaibigan at tsaka nagmamadaling lumabas ng kwarto. 

Ano bang nangyari kasi, Darryl?