Chapter 10

Tulalang nakaupo si Rhiane sa couch ng Ferguson Cafe. Nasa VIP silang dalawa ni Martina. Nakatunganga siya habang hawak ang frappe sa kanang kamay. Nasa tapat naman niya si Martina na nakatitig lang din sa kanya habang sumisipsip sa frappe nito.

"Uhmm. Should I call Darlene? Sean? Hyron? O pabalikin ko si.. fafa AJ?" She looks at him and was about to give her answer nang tumunog ang cellphone niya. Sabay silang napatingin doon.

AJ calling...

Nagkatinginan sila ni Martina at sabay na bumuntong hininga.

"Sagutin mo na 'yan. He might be really worried na. Kanina pa yan tawag nang tawag eh. Bakit kasi iniwan mo roon sa hospital?" Naihilamos niya ang kamay sa kanyang mukha. Huminga siya nang malalim at inabot ang cellphone. 

After she broke down at the hospital ay iniwan niya si AJ at tinawagan si Martina. She told him everything that happened kaya ito ang kasama niya ngayon.

She pressed the end call botton at binalik ito sa mesa. Nag aalalang tumingin sa kanya si Martina. 

Natulala na naman siya. 

Ilang minuto siyang ganoon hanggang sa nagpasya siyang tumayo. Dinampot niya ang bag at dire diretsong umalis doon. Naiwan si Martina na tawag nang tawag sa kanya. 

Hindi niya ito pinansin at agad na pinara ang unang taxi na dumaan. 

"Ferguson Residences," tanging sabi niya sa driver bago sumandal sa upuan at pumikit. 

She needs to think and to do that she needs to be alone first. 

Nang makarating sa bahay nila ay dumiretso siya sa kwarto at pabagsak na dumapa sa kama. Sa sobrang pagod at pamumugto ng mata ay agad siyang nakatulog. 

○○○○

Nagising si Rhiane sa isang tapik. Naalimpungatan man ay pinilit niyang dumilat. Kinusot kusot niya pa ang kanyang mata para maaninaw kung sino ang gumising sa kanya.

"Dinner time. Pinapatawag ka na ni Mama," naka pameywang na sabi ni Darlene tsaka siya pinanlakihan ng mata na as if may alam ito. 

"Mag ayos ka muna bago bumaba," pahabol nito bago lumabas ng kwarto.

Napabuntong hininga siya at nagpasyang bumangon na. Nag half bath muna siya at nagpalit ng pajamas. Pagkatapos ng kanyang ritual ay bumaba na siya.

Kompleto ang pamilya pagkababa niya at parang siya na lang yata ang kulang. 

"Merian umupo ka na at nang makakain na tayo," utos ng Mama Sofia niya.

Umupo naman siya sa upuan niya katabi ng kay Darlen. Nagdasal sila tapos ay tahimik na kumain. May ilang casual talks pero di ganoon ka ingay. 

"I'm done," sabi niya sabay tayo at lagay ng plato at kubyertos sa may lababo. Napatingin ang lahat sa kanya.

"May sakit ka Rhi?" tanong ng mama niya. 

Tipid siyang ngumiti at umiling. Tinitigan lang siya nito na parang hindi ito naniniwala pero kalaunan ay bumalik na rin ito sa pagkain. Tumalikod na rin siya at pumanhik sa itaas.

Pagkapasok ng kwarto ay agad niyang pinatay ang ilaw at nagtalukbong ng kumot. 

Walang tigil ang pag vibrate ng cellphone niya sa loob ng bag niya na nasa side table lang. 

Bumuntong hininga siya at inabot 'yon. She unlocked it and saw her barkada's gc flooded with messages and most of them are ranting. 

She also checks her inbox at ang mga ito lang din ang laman. Ni scroll niya lang ang mga message ng mga ito pero ni isa ay wala siyang nireplyan. 

Napapikit siya at maya maya pa ay tumunog na naman ang cellphone niya. Binuksan niya ito at bumungad sa kanya ang text ni Jake.

From: Jake Montefalco

Rhi, I know everything's a mess right now but please don't give up on him. Magpalamig muna kayong dalawa. Darryl's not cheating on you. 

Naipikit niyang muli ang mga mata sa nabasa. Her head is a mess too. Ang takot na ilang araw na niyang nararamdaman ay palala ng palala. Bakit ba nangyayari ito sa kanila? Hindi niya alam kung anong gagawin o kung anong paniniwalaan. She's totally confused. 

"Rhi?" Naibaling niya ang atensyon sa may pinto kung saan nakadungaw ang ate Darlene niya. 

Bumuntong hininga siya. Pumasok naman ito at agad na dumalo sa kanya. 

"Ano bang nangyari? The commotion in the hospital is already in the gossip site. Na post na naman ng mga usisera. Blake was bugging me earlier. Ano ba talagang nangyari?" Nag-aalalang niyakap siya nito. Nanubig na naman ang gilid ng kanyang mga mata. 

Niyakap niya pabalik ang kapatid at ibinaon ang kanyang mukha sa balikat nito. Lahat ng sakit, takot, pag-aalala at pag-aalinlangan ay iniyak niya at walang sawa siyang pinatahan nito. 

○○○○

"Ano na ang gagawin mo ngayon?" nakakunot noong tanong ni Darlen kay Rhiane. 

Nasa kwarto pa rin niya ang kapatid at ilang oras siya nitong hinayaang umiyak hanggang sa napagod at kusa nang tumigil ang mga luha niya. 

Umayos siya ng upo at niyakap ang malaking unan niya.

"Ewan ko. Hindi ko alam." Bumuntong hininga siya. Si Darlene naman ay napatitig lang sa kanya. 

"Hmm. Alam mo, bakit hindi mo na lang sundin 'yong sinabi ni Jake? Pag kasi pinilit mo baka talagang mag end na kayo." Naihilamos niya ang dalawang kamay sa mukha. 

"Pero ayoko nang ganito. Hindi kami maayos. Tapos galit pa siya sa'kin."

"Pero pag pinilit mo siya ngayon baka mas lalong lumala. You wouldn't like that." Napapikit siya at tinanggal ang mga kamay sa mukha.

"Just let him be first, Rhi. Kagaya ng sinabi niya." Huling sinabi ni Darlene bago siya tinapik sa balikat. 

"Matulog ka na. Don't stress yourself. You need rest," pahabol nito bago lumabas ng kwarto niya. 

Wala na rin siyang nagawa kundi ang humiga at magtalukbong ng kumot.

○○○○

"Rhiane tara na."

"Nandiyan na." 

It's another day. Palapit na palapit na ang midterms pero tila nawala ito sa isip ni Rhiane dahil sa nangyari sa kanya nitong nakaraang mga araw. 

Para na nga siyang zombie na bumangon sa hukay dahil sa sobrang laki ng eyebags niya.

"Sa cafeteria na lang tayo magkita mamaya, Rhi. Then diretso na tayo sa cafe. May group study sina Finny. You can bring Martina," bilin ng ate niya bago sila naghiwalay ng daan. Sinang-ayunan niya na lang ito. 

Bumuntong hininga siya at matamlay na binagtas ang corridor ng Political Science building. Alas dies na ng umaga kaya mangilan-ngilan na lang ang mga studyanteng nakakasabay niya. 

"Nako buti nga nakabalik na si Mistress Gail eh."

"Yes. It's so brave of supremo to do that kind of sacrifice nuh?"

"Oo nga. Hayy bagay na bagay talaga sila." 

"Sus! Sinabi mo pa!"

Sandali siyang napahinto nang lumagpas ang tatlong babaeng 'yon. She smirked bitterly. 

Wow. Hindi pa nga kami naghiwalay andami nang abangers.

Marahas siyang napairap at tsaka nagmartsa paalis doon. 

Kung bakit ba kasi ang hilig magpalakad ng chismis ng mga tao? Ang insensitive pa! Can't they just have their own lives and mind their own businesses?! 

Dahil sa inis, inirapan niya na yata lahat nang nakakasalubong niya. Hanggang sa makarating siya sa classroom ay wala siyang pinansin ni isa sa mga studyante. 

"Rhi," tawag ng kararating lang na si Martina. Nilingon niya ito. 

Malungkot itong ngumiti tsaka tumabi sa kanya. 

"Uhmm wit ko na itatanong kung okay ka. Knows ko na nakasalubong mo na ang mga mahaderang mga palaka. Kalat na rin sa buong campus," malungkot nitong sabi at hinaplos ang kanyang likod.

Kumunot ang noo niya. 

"Ang alin? Ang nangyari kahapon? Ano na naman ang issue sa gossip site? Na break na kami? Na bagay sila ng Gail na 'yon? Tss. Edi magsama sila." Pabagsak niyang ibinagsak ang mga libro sa kanyang armchair. 

Ngumuso si Martina at hinawakan siya sa balikat. 

"Chill lang. Maaayos niyo rin 'yan. 'Wag mo na lang pansinin ang mga echuserang froglet na 'yan," pampatahan nito sa kanya. Hindi siya sumagot.

Huminga siya nang malalim at kinalma ang sarili. Nang kalmado na ay sinamaan niya ng tingin ang mga studyanteng nagkumpulan sa labas bago ibinaling ang atensyon sa mga librong para sa klase niya. Walang nagawa si Martina kundi ang ibaling na lang din ang atensyon sa gamit nito. 

Alam niyang gossip site na naman ang patutunguhan ng mga 'yon. But she doesn't care. Tutal 'yon lang naman ang kaya ng mga 'yon; Ang magkalat ng chismis. Mas marami siyang dapat problemahin. She just really hates it when someone spreads false rumors lalo na't wala namang alam at hindi naman talaga directly involved.

Itinuon na lang niya ang pansin sa mga reviewers at nag advance reading para sa subject niya. 

Lunch time nang magkasamang kumain si Martina, Rhiane at Megan. Ang iba niya kasing mga kaibigan at ang ate niya ay may klase pa kaya silang tatlo na lang ang nagsabay mag lunch. 

Ramdam na ramdam niya pa ang paninitig ni Megan habang umu-order sila. For sure gusto nitong magtanong pero hindi naman nito tinutuloy at bumubuntong hininga na lang. Hindi na rin naman siya inusisa ni Martina. 

Swerte na rin at walang mga usiserang nagchichikahan malapit sa kanila. 

"Doon na tayo." Tinuro niya ang sulok na lamesa ng cafeteria. Sabay na tumango naman ang dalawa kaya naglakad na sila papunta roon dala dala ang mga orders nila. 

Magkatabi sila ni Megan at nasa tapat naman nila si Martina. 

Tahimik silang kumakain nang napuno ng tawanan ang buong cafeteria. Sabay pa silang napalingon sa pinanggalingan ng tawanang 'yon kasama ang iba pang mga studyante. 

Hindi naman sila nabigo dahil saktong pag lingon nila ay ang pagpasok ng Cryptics Fraternity and Sorority. 

They were so loud kaya talagang pinagtitinginan ang mga ito. Tatlong lalaki ang pumunta sa cashier at pumila. The others, on the other hand, arrange a very long table at the cafeteria's center at doon sila naupo. Huling umupo ang big three. Hindi na siya nagtaka pa na wala si Darryl. Suspended ito at malamang kasama na naman ni Gail sa hospital. Napairap siya sa naisip at tiningnan ang mga studyante. 

The students are in awe. Sino nga ba namang hindi, their presence screams dominance. Ni hindi matanggal ang mga titig ng mga ito sa grupo lalong lalo na sa big three at mga babaeng kasama ng mga ito.

Hindi niya alam kung nagkataon lang ang mga upuan nila o talagang sinadyang pagpares paresin sila. Shun and Alice are sitted beside each other so as Kier with the girl na sumalubong sa kanila ni AJ sa hospital noon. So parte rin pala ito ng sorority. Napailing siya. Pati ang ibang babae ay may kapares din na fratmen.

"Wow. The manwhore and the whore," dinig niyang sambit ni Megan habang matalim na nakatitig kay Shade at Alicia. 

"Pag ako napuno talagang kakalbuhin ko 'yang babaeng 'yan at isa pa 'yang Mr. Pa fall na 'yan. Nakakabuwisit," dagdag pa nito at tinusok tusok ang burger na nasa plato niya.

"Megan, shut it. Not here," pigil niya sa kaibigan. Umirap si Megan na nagpalunok kay Martina. 

"I know what happened in the hospital Rhi. We ain't dumb. Alam ko rin ang katarantaduhang ginawa ng leader niya sa'yo. " Nasapo niya ang noo sa sinabi nito.

"Megan please. Ayokong pag-usapan. Please lang. I'm really not in a good mood for that. Please." Agad na dumapo ang kamay ni Martina sa likod niya para patahanin siya. Bumuntong hininga si Megan.

"Sorry. Fine, magtitimpi na. Just always remember that I'm always here for you." Ngumiti ito sa kanya at bahagya siyang niyakap. Ginantihan niya rin ito ng yakap at tinanguan. 

Naunang tumayo si Megan at kinuha ang bag nito.

"Tara na?" tanong nito sa kanila. Sumunod na rin sila ni Martina. 

Naunang maglakad si Megan. Siya ang nasa gitna at si Martina naman sa huli. Dinig na dinig niya ang mga singhapan ng mga studyante lalo na nang madaanan nila ang lamesa ng Cryptics. 

Nagkasalubong pa ang mga tingin nila ni Aries pero agad din naman siyang nag-iwas at nagpatuloy na lang sa paglakad palabas.