Chapter One

Inaasahan ko na magiging masaya ang engagement party namin ni Derek ngunit iba ang naging kinalabasan ng lahat. Ang excitement ko ay naglaho't napalitan ng takot at pagkawasak ng aking pagkatao.

Kinakaladkad ako ng soon to be mother-in-law ko sa harapan ng mga bisita. Ang party ay ginanap sa kanilang Mansiyon. Magarbo at dinaluahan ng malalaking tao mula sa kanilang industriya kaya naman labis ang naramdaman kong pagkababa sa aking sarili ng makita ang bawat mata nilang nakatingin sa akin.

Harap-harapan akong ipinahiya ni Mama, subalit ang pinakamasakit sa lahat ay hindi man lang ako ipinagtanggol ni Derek. Imbes ay nanood lang siya sa ginagawa ng kaniyang Ina sa akin, nang walang halong pagmamahal o kahit awa man lang. Malamig ang ekspresyon ng mukha ni Derek. Inaabandona na niya ba ako? Hindi naman siya ganito, never niyang tinolerate ang mama niya sa mali at isa na doon ay ang hindi pagtrato ng maayos sa akin, mahal na mahal niya ako. Ngunit ano'ng nangyari?

"Ma... Tama na po, nasasaktan ako." Nakahawak ako sa kamay niyang ipinanghihila niya sa buhok ko.

"'Wag mo 'kong tawaging Mama dahil wala kang karapatan. Hindi kita matatanggap sa pamilya namin, nakakahiya ka!"

Alam ko naman na ayaw niya sa akin umpisa pa lang, talagang mahal ko lang ang anak niya kaya mas pinili ko na mag-stay kahit na medyo hirap ako na pakisamahan siya. Naniniwala naman ako na matutunan din akong mahalin ng magiging byenan ko. Ngunit saan niya hinugot ang galit niya ngayon sa akin?

Ibinuwal ako ni mama sa sahig dahilan kaya ako namimilipit sa sakit. Sinalo ng isang braso ko ang bigat ko kaya nagtamo iyon ng malaking gasgas.

"Ang kapal ng mukha mong ituloy pa ang engagement na 'to sa kabila ng kababuyan mo? Huh, hindi na 'ko magtataka, simula pa lamang ay ginagamit mo na ang anak ko, para sa career mo. How shame of you!"

Naguguluhan ako sa pinagsasabi ni mama, wala naman akong ginagawa na alam kong mkakasira sa akin.

"Paano mo nagawa 'to Darlene, sa pamilya ko pa talaga?" Tiningala ko si Sophie, nakababatang kapatid ni Derek. Malapit kami sa isa't-isa, ngunit bakit ang ekspresyon ng kaniyang mukha ay katulad ng sa kapatid niya?

"Hindi ko kayo maintindihan Sophie," sambit ko habang itinatayo ang sarili.

"'Wag ka nang magmaang-maangan pa, Bistado na namin ang agenda mo. Kaya ako na ang nagsasabi, walang kasalan na magaganap!"

Nagpantig ang tainga ko sa sinambit ni mama, matagal naming pinaghandaan ni Derek ang kasal na 'to. Napakarami naming plano... Itinigil ko ang pagiging delusional at muling sinulyapan si Derek.

Hindi siya nagreact, ang ibig sabihin ba no'n ay may consent siya sa sinasabi ng mama niya?

"Hon, ano bang nang nangyayari? Bakit hindi ka man lang nagsasalita?" Nanginginig na tanong ko rito.

Deretso lang ang tingin na iginawad niya sa akin, blanko, tila ba walang halong pagpapahalaga.

"Honey..."

"Pabayaan mo na siya Darlene, mas kailangan ni Derek ng peace of mind ngayon." Iwinaksi ng babae ang kamay ko na nakahawak sa braso ng aking fiance.

Si Sally Vargas, ang anak ng family friend ng mga Delos Santos. Kapwa ko rin ito Modelo sa La Reynas Company. Alam kong may itinatago siyang pagtingin ay Derek. Babae ako kaya ramdam na ramdam ko 'yon. At ngayon ay nakikisawsaw na siya sa problema namin?

"Hindi ko kailangan ang opinon mo Sally, puwede ba 'wag kang makisawsaw sa amin? Hindi ka parte ng pamilyang 'to!" Bulyaw ko rito.

"I'm sorry Darlene, I'm just concerned to Derek at pati sa 'yo na rin. Hindi naman talaga katanggap-tanggap ang ginawa mong pakikipagtalik sa iba. Kapag nalaman 'to ni Boss ay paniguradong maghihisterikal 'yon."

"A-ano'ng kahibangan ang sinasabi mo riyan?" Malakas ang boses na bulyaw ko rito.

"Hindi mo pa rin ba nare-realize ang consequences ng ginawa mo? Darlene, nakatanggap kami ng photos and video kanina lang. Ikaw at kung sino mang random guy ang nandoon, naked. Kaya hindi mo naman sila masisisi kung bakit ganito ang trato sa 'yo ngayon." Sumabat si Sophie sa usapan namin.

"Nagmamaang maangan ka pa rin hanggang ngayon? Heto, see for yourself?" Itinapon ni mama sa mukha ko ang kumpol ng mga pictures. Nasaktan ako sa ginawa niyang 'yon ngunit pinulot at tinignan po pa rin iyon isa-isa.

No. Hindi puwede 'to, papaanong ako ang nasa litrato. Never akong sumama o nakipags*x sa iba. At sino ang lalaki na 'to? Tama mukha ko nga ang naroon, kahit saang anggulo pa tignan hindi maipagkakaila 'yon. Pero kung pagbabasehan ang katawan ay hindi na ako sigurado. Paniguradong fake ang mga pictures na ito.

"See it? Ang landi-landi mo!"

Hindi ko pa man tuluyang nag si-sink in ang lahat sa utak ko ay hinila na naman ni mama ang buhok ko. Ang dami niyang sinasabi pero hindi ko na rin 'yon halos maintindihan dahil naghahalo na sa ingay ang pagmamakaaawa ko sa kaniya, sa kanila.

"Hon, 'wag kayong maniwala rito, na-f-fake ang pictures 'di ba? Hindi ako 'to. Most of the time ay tayo ang magkasama 'di ba? Hindi ko magagawa sa 'yo ang ganito. Maniwala ka namam sa akin." Halos lumuhod na ako sa harapan no Derek. Walang ibang makakaligtaa sa akin kundi siya lang. Subalit kahit isang salita ay hindi ito nagbitaw.

"Hon." Sunod ko pa.

"Ilusyunada!" Sa isang bigwas ng kamay ng mama ni Derek ay nagtamo ako ng sugat sa aking mukha sanhi ng pagkakadampi ng kuko nito sa akin.

Hindi ko na kaya ang ganito, lubog na lubog na ang sarili ko sa mga oras na ito. Gustuhin kong lumaban ay hindi ko magawa. Kahit papaano'y may respeto pa rin ako sa kanila.

"Ang dapat sa 'yo hinuhubaran, ipakita mo sa lahat kung ano'ng klaseng babae ka. Malandi!"

Bakit ni isa walang gustong tumulong sa akin, ang masaklap pa'y may kumukuha pa ng pictures o baka videos pa. Mas inuuba nila ang kumuha ng content.

"Tama na po... Tama na..." Pinaghihila ni mama ang suot kong puting damit. Nakipaghilaan ako sa kaniya ngunit unti-unting lumuwa sa harapan ng lahat ang aking balat. Tuluyang nasira ang strap ng dress sa aking balikat, bumaba ang punit hanggang sa dibdib dahilan upang lumuwa ang cl*avage ko. Agad ko 'yong tinakpan gamit ang akong dalawnang palad.

Nanginginig akong sumulyap sa mga naroon. May ibang natutuwa pa sa nakikita nila habang ang iba'y tila wala naman pakialam sa nangyayari sa amin.

Humagulgol ako sa realization na natamo ko ngayon. Mag-isa lang ako, at wala akong nakuha ng kakampi.

"Tama na 'yan, ma."

Habang umiiyak ay tinapunan ko ng tingin si Derek na sa wakas ay nagsalita na. Mahal na mahal ko siya at handa akong ibigay ang lahat sa kaniya. Na kahit labag sa loob ko'y pumayag ako sa kagustuhan ng pamilya niya na kumuha ng egg donor, oo, nalaman namin na baog ako at walang kakayahan na mabigyan ng succesor ang pamilya nila. Nilunok ko ang pride ko't ako pa ang nagboluntaryo na kusang pipili ng magiging donor para sa kanila.

Pero bakit...?

"Pinag-aaksayahan mo lang ng lakas ang babae na 'yan. Call this party off, ipahanda niyo na ang mga gamit niya para makaalis na siya ngayon din."

Nanginig ang aking mga mata't labi sa mga binitiwang salita ni Derek. Naniniwala talaga siya sa mga paratang sa akin? Sinunggaban ko siya't niyakap, pilit ko pang binabago ang pananaw niya ngayon. Nagmakaaawa ako ng paulit-ulit na makinig siya sa akin. Pinaalala ko ang mga masasayang pinagsamahan naming dalawa. Ngunit walang epekto iyon sa kaniya. Imbes ay siya pa ang tumulak sa akin palayo sa kaniya. Napasalampak ako sa sahig, umiiyak.

"Get away from me, b*tch!"

Durog na durog ang puso ko sa mga oras na 'to. Hindi ko na maipaliwanag ang nararamdaman ko, gusto kong sumigaw, hindi sila nakikinig sa akin. Nanginginig na ang buong kalamnan ko sa takot.

"Tama na Derek. Tita Diane, ang mabuti pa'y pumasok na kayo sa loob. Samahan mo na siya Sophie, hindi maganda sa health ni tita ang nangyayari ngayon. Go!" Si Sally 'yon.

Siya na rin ang nag announce sa lahat na tapos na ang naturang party at puwede nag umuwi ang lahat.

Siya na ang bida sa gabing ito.

"Ikaw din Derek, ikalma mo 'yang sarili mo," anito sa fiancè ko. Sinulyapan lang siya ni Derek ng casual bago tumalikod at naglakad pabalik sa mansiyon.

Pagkatapos ay hindi ko inaasahan na le-lebel ng sarili niya si Sally sa akin. Wala na akong lakas na tumayo pa mula sa pagkakalugmok ko.

"C'mon Darlene, get up." Hinawakan ako ni Sally sa magkabilang balikat ko. Buong akala ko talaga ay sincere ang pag-alok nito ng tulong pero nagkamali ako.

Inilapit ng babae ang kaniyang mukha sa may tainga ko't bumulong. "He's mine now."

Para 'kong sinaniban ng masamang elemento ng oras na 'yon. Sa galit ko sa sinabi niya'y itinulak ko siya't sinunggaban. Napahiga ito sa malamig na sahig, dinaganan ko siya't pinagsasabunutan.

Ang tanga ko na hindi agad naisip na possibleng pakana niya ang lahat ng ito. Sabi ko na nga ba't may lihim siyang pagnanasa kay Derek.

"Walang hiya ka!" Galit kong sigaw rito.

Naghuhumiyaw ito ng malakas. Kung may gunting lang ako ngayon ay kakalbuhin ko talaga siya.

Sa aming dalawa siya ang may makapal na mukha. Ngunit natigil ang ginagawa kong panakit sa kaniya ng biglang dumating si Derek. Hinila ako nito palayo kay Sally, Wala siyang pakialam kahit pa muntik na akong sumubsob sa semento. Mabibilis ang paghinga ko habang nakatungo sa kanila.

"D-Derek, ang t-tiyan ko, ang a-nak ko."

Anak? Wait, dugo ba 'yong nasa may legs niya? B-buntis ba siya? Hindi, ano'ng nagawa ko?

"F*ck! Ihanda niyo ang kotse ngayon din." Labis ang otoridad sa boses ni Derek. Halata sa paggaralgal ng boses nito ang pagkabalisa.

Tumayo ako.

"H-hon, h-hindi ko sinasadya. Ni-provoke niya ako, hindi ko napigilan. I'm so sorry. Buntis ba si Sal-"

"Shut the f*ck off Darlene!" Bulyaw sa akin ni Derek na ikinagulat ko, pero hindi lang dahil do'n. Hawak ako sa leeg ng fiance ko... sana... habang nanlilisik ang mga mata.

"H-hon n-nasasaktan ako." Nakakapit ako sa magkabilang braso niya, doon ako kumukuha ng lakas dahil mukhang hindi na kakayanin ng mga paa ko't mabubuwal ako sa kinatatayuan ko.

"Promise, I'm going to kill you if something happens to my child!'

Napatda ako.

C-child? What does he mean about it?

D-did he cheated on me for Sally?

Siya ba ang ama ng nasa sinapupunan nito?

Sandali...

...

"Derek!" Napabalikwas ako mula sa aking pagkakahiga. Nasaan na ako? Inilinga-linga ko ang paningin sa paligid. Kung hindi ko pa nakita ang aparato na nakasaksak sa akin ay hindi ko kaagad mapapagtanto na nasa Ospital ako.

Ngunit paano ako napunta rito? Ang huli kong naaalala ay ang pag-uusap namin ni Derek. Sinasakal na niya ako ng mga oras na 'yon... Tapos ay...

Bigla kong naalala ang tungkol sa kanila ni Sally kaya naman dali-dali akong tumayo. Tinangal ko ang swero na na nakasaksak sa akin at saka lumabas. Kailangan kong makaalis dito't hanapin si Derek. Hindi pa rin ako naniniwala sa nasabi niya kanina. Paniguradong galit lang siya kaya gano'n.

Nilibot ko ang Ospital at hinanap ang posibleng daan palabas Ang totoo niyan ay nahihilo pa ako, dala siguro ng mga gamot na ibinigay nila sa akin pero wala na akong pakialam pa do'n.

Lumiko ako sa isang pasilyo... At hindi ko inaasahan ang mabubungaran ko. Sa hindi kalayuan ay natatanaw ko ang ilang pigura ng Kilala kong tao.

Sina Derek, Sally Sophie at ang Ina ni Derek. Si Derek ba ang nagdala sa akin dito? Balak ko sanang lumapit sa kanila kung hindi lang may pumigil mula sa aking likuran.

"Uncle Jethro?" Tanong ko rito. Hinila niya ako mula sa aking braso na para bang sinasabi nito na 'wag kong ituloy ang binabalak kong gawin.

"Don't Darlene," malumanay lang ang pagkakasabi na iyon ni Uncle. Ramdam ko ang sincerity na 'yon sa boses niya. Bakit nasa panganib ba ako?

"Mabuti na lang po at nandito kayo Uncle, kailangan ko pong makausap ang pamangkin niyo. Kung ano-ano ang sinusulsol sa kanila ni Sally, tapos ay sinasaktan niya pa ako sa pagsabi nito na anak niya ang nasa sinapupunan ng babae na 'yon. Hindi naman ako naniniwala ro'n, alam kong hindi niya magagawa sa akin 'yon eh-"

"Stop it Darlene, Sasaktan mo lang lalo ang sarili mo kapag lumapit ka pa sa kanila. Ang mabuti pa'y bumalik ka na sa silid mo, nagdala ako ng makakain para makabawi ka ng lakas mo."

Sinulyapan ko si Uncle, saka ko napansin ang pasa nito sa may mukha niya. Gayun na rin ang presensya ng dalawang lalaki hindi kalayuan mula sa likuran nito. Bodyguards niya ata 'yon.

Subalit hindi ako nagpatinag sa sinabi niya, bagkus ay tinalikuran ko si Uncle at saka naglakad patungo ki Derek.

Ngunit para akong binuhusan ng malamig na tubig ng marinig anga pag-uusap nila... Na sana pala'y nakinig na lang ako kay Uncle Jethro.

"Don't worry, Sally. Hihiwalayan ko na si Darlene. I'm sure all the press are into her right now, tiyak na kakagatin nila ang scandal na ginawa ko," ani Derek habang hawak ang palad ni Sally.

Scandal? S-siya ang may pakana ng mga fake picuters na 'yon?

"Maliban sa mabilis siyang utuin ay masyado rin siyang dumepende sa akin kaya paniguradong susunod pa rin 'yon sa akin. I'll convice her to take down her contract on La Viena Project, para sa 'yo nila i-offer." dugtong pang muli ni Derek.