Chapter 3

"Anong meron?" Tanong ko sa isang guard na binati pa ako bago sumagot.

"Good morning po, sir. Nandito po kasi si Ms. Faye." Sagot niya sa akin.

"Sinong Faye?" Tanong ko kahit may hinala na ako. Natatabunan ng mga taong pilit nagpapapicture ang kung sino man na pinagkakaguluhan nila kaya hindi ko makita.

"Si Ms. Faye Alonzo po. Yung mayamang Vlogger." Sagot ulit nito na nagpa-chinito ng mga mata ko kahit chinito naman na talaga ako. Mukha na siguro akong anime character nito. Yung mga nakadilat pero pikit naman talaga.

"Maraming salamat sa pag suporta niyo sa mga Vlogs ko!" Rinig kong sabi ni Faye. Medyo na handle na ng mga guwardya ang komusyon na nangyari kaya kitang-kita ko na si Faye na nasa harap ko ngayon.

"Oh, ang tagapagmana ng mga Lee. What makes you visit this place?" Maarte niyang tanong. Iba ang tono ng pananalita niya noong ako na ang kausap niya.

Napaismid naman ako dahil sa sinabi niya. "Isn't it ironic? You're asking the owner of this place why he's here? Why don’t you ask your self why where you here?" Balik tanong ko.

Medyo natawa pa siya dahil sa sinabi ko. "Shopping? That's what you do in mall.”

"Shopping or spying? We both know that our family and yours owned a lot of malls around the country and in some part of the globe. So, why don’t you shop in your mall?" Tanong ko na inirapan niya.

"Hyujin, are you really thinking? Why do you need to buy what's yours at the first place? Hindi ko ugaling magwaldas ng pera sa sarili kong pag-aari." Naputol lang ang usapan namin ng marinig ko ang boses ni Seira.

"Hyujin, tama na." Nilingon ko si Seira. Kanina pa pala siya na sa likod ko at hindi ko man lang namalayan.

"Vargas, learn how to tame your boyfriend. Kung ayaw mong ako ang magpaamo diyan." Banta ni Faye bago siya maaksyong umalis upang maglibot-liibot siguro.

_________

Sa buong biyahe patungo sa sementeryo ay tahimik lang si Seira. Hindi ko alam kung ano ang tumatakbo sa isip niya ngunit may hinala akong may kinalaman doon si Jinx. Siya lang ang huling kinausap ni Seira at nagkaganito lang siya pagkatapos nilang mag-usap.

"Seira, okay ka lang ba? Kanina ka pa tahimik." Nag-aalalang tanong ko.

"Hmm, wala to. Okay lang ako." Tamad niyang sagot at tsaka tipid na ngumiti sa akin.

"Sigurado ka?"

"Hyujin, sa tingin mo ba tayo ang magkakatuluyan sa dulo?" Nagtaka ako sa biglaang tanong ni Seira. Hindi ko maisip kung saan niya hinugot ang tanong na iyon.

Inihinto ko muna ang sasakyan sa tabing kalsada at saka ko hinarap si Seira. "Boss, makinig ka sa akin. Tayo ang magkakatuluyan sa dulo. Hindi ako papayag na hindi! Nagpakahirap akong ligawan ka ng ilang buwan tapos mawawala ka lang? Hindi 'yun pwede." Hinaplos ko ang pisngi niya at saka ako lumapit upang halikan siya sa labi. "Please, don't think too much. Okay?" Tumango lang siya at ngumiti.

Nakarating kami sa sementeryo makalipas ang ilang minuto. Ipinarada ko ang sasakyan sa tapat ng museleyo ng papa ni Seira. Dalawang palapag ang museleyo ng papa ni Seira. Pagpasok sa loob ay makikita agad ang ligingan ng papa niya na nasa gitna. Naka-tiles ang sahig at may ibang mga gamit din sa loob. Sofa, lamesa at mayroon ding centralized air conditioner. Sa ikalawang palapag ay mayroong kuwarto. At da loob ng kuwarto ay mayroong double deck at isang cabinet.

Inilagay ko muna ang mga pinamili namin sa lamesa. Bumili rin kami ng pagkain namin dahil sinabi kong kailangan kong bumalik sa bahay bago mag ala-singko ng hapon. Kukulangin na kami ng oras kung sa mall pa kami kakain kaya nagdesisyon kaming mag take-out na lang.

Bago maglagay ng pang-design ay kumain muna kami. Saglit lang ay nag-umpisa na rin kami agad sa pag dedesign. Bumili kami ng mga fake flowers, frames, candles, vase, ribbon at marami pang art materials.

Inayos muna namin ang mga bulaklak na pang design at pang lagay sa vase. Nag letter cut din si Seira at ako naman ang taga dikit. Naglagay din kami ng kurtina na dala-dala ni Seira.

Habang nag dedesign kami ay kinakausap ni Seira ang papa niya na parang katabi lang niya ito. Kahit walang naririnig na tugon mula dito ay masaya siyang nagkukwento.

Kinuha ni Seira ang bag niya at inilabas doon ang isang album na naglalaman ng mga larawan nila kasama ang papa niya. Umupo siya sa sofa at saka binuksan ang album. Tinabihan ko naman siya upang makita kung anu-ano ang laman n'on.

Iba't ibang childhood photo niya kasama ang kanyang papa. Merong nakaupo siya sa balikat ng papa niya habang na sa tabing dagat sila. Mayroon ding picture niya na umiiyak siya, ang cute-cute niya sa larawang iyon dahil sa mataba niyang pisngi.

"Ikaw ba 'to?" Tanong ko habang turo ang larawan niyang iyon.

"Yes, that's me. Why?" Tanong niya at nag-pout.

"Patingin nga." Hinawakan ko ang dalawang pisngi niya at saka siya tinitigan. Mabilis akong lumapit at hinalikan siya sa labi. "Ikaw nga." Sagot ko saka ko siya binitawan. Gulat naman siya dahil sa ginawa ko.

"Aw! Ano 'yun?" Tanong ko pagkatapos niya akong hampasin sa braso.

"Bakit mo ako hinalikan?" Tanong niya habang nakataas ang kilay.

"Hinalikan kita?" Gulat na gulat na tanong ko.

"Oo!" Sigaw niya at nagpameywang.

"Weh? Di nga? Paano kita hinalikan?" Maang-maangan ko.

"Ganito--" napahinto siya ng ma-realized niya kung ano ang ginawa niya. Hinalikan niya lang naman ako. "Bwisit ka talaga! Hmp!" Padabog siyang tumayo at naglakad paalis.

Ang pinipigilan kong tawa ay kumawala ng nasa hagdan na siya. Halos maiyak na ako sa kakatawa dahil sa ginawa niyang demonstration.

"Tumawa ka pa, hindi ka na makakahalik sa akin." Banta niya na agad na nagpahinto sa akin sa pagtawa.

"Opps, oy. Di pwede 'yun ah!" Hinabol ko siya paakyat sa kuwarto. Tumakbo naman siya at isasara na sana ang pinto nang iharang ko ang paa ko. "Aray! Shit!" Inda ko dahil sa sakit. Agad niya namang binuksan ang pinto at saka umupo upang tignan ang paa ko na naipit. "Huli ka!" Sabi ko at saka siya binuhat patungo sa double deck.

"Aaahhh!!! Hyujin, ibaba mo ako!" Sigaw niya at saka ko siya hinagis sa double deck. Napapikit siya dahil sa ginawa ko at pagmulat niya ay nasa ibabaw niya na ako.

Halos manlaki sa gulat ang mga mata niya ng makita niya ako. "Hyujin!!! Alis! Umalis ka sa ibabaw ko!" Sigaw niya habang pinapalo ang dibdib ko.

Hindi naman ako nagpaawat at tinitigan lang siya. Nang medyo kumalma na siya ay saka ko siya hinalikan muli sa labi. Matagal at may ritmo. Tumugon din siya sa halik ko kaya napangiti ako.