99. Arte

"Alam mo naman na hindi ako kumakain ng gulay, di'ba? Kaya bakit hindi ka nagluto ng gulay?" Mababa ang tono na tanong ni Sofia, na gustong ikaikot ng mata ni Rose.

Habang kumakain ay walang ginawa si Sofia kundi ibida ang pamamasyal kasama si Mike, ngunit ang lalaki ay tahimik lang at patuloy sa maganang pagkain. Hindi maiwasan ni Rose na alalahanin noong mga bata pa sila. Kinakausap pa siya ni Mike, kinukwentuhan, at kinakamusta. Napakalayo ng tagpong 'to sa meron silang dalawa noon.

"Rose, para nga pala sayo." May kinuha na paper bag si Sofia. "Ako ang bumili ng regalo para sayo. Pinilit ko pa nga si Kuya Mike dahil ayaw ka niyang bilhan ng regalo. Si kuya talaga, walang ka-sweetan sa katawan."

Hindi si Rose nagsalita at hindi hinawakan ang nilapag ni Sofia na paper bag sa gilid niya, ni ang suklian ang ngiti nito ay hindi niya magawa. Kailangan pa bang ipagdiinan ng babaeng 'to na hindi gusto ng asawa niyang bilhan siya ng regalo?

"Kuya Mike, nasaan na nga pala 'yung binil