295. The truth

Napahawak si Hazel sa ulo. Napakasakit ng ulo niya ng magising siya. Para itong binibiak.

Nagmamadali siyang tumakbo si banyo at sumuka.

Teka… ang huling natatandaan niya kagabi ay… nagkita sila ni Frank sa presinto at..

Nanlaki ang mata niya ng maalala na hinalikan siya ni Steve. At dahil gusto niyang gantihan si Frank… tinugon niya ang halik nito.

“Hindi!!!!”

Napatalon sa gulat si Toni na ngayon ay nagtitimpla ng kape para sa kanila.

“Mabuti naman at gising ka ng babae ka. Marami kang kailangan ipaliwanag sa akin. At hindi ako aalis hanggat hindi ka nagkukwento sa akin.” Tiningnan pa siya nito na parang sinasabi na wala na siyang kawala.

Napasabunot siya sa buhok. Pakiramdam niya ay lalong sumakit ang ulo niya.

Siya at si Steve… nag kiss?

Pagkaupo niya ay inabutan siya ni Toni ng isang tasa ng kape. Saka lang niya napansin na nasa bahay pala sila nito. Mukhang dito siya dineretso nito kagabi.

“Akala ko si Steve Montenegro ang secret boyfriend mo… yun pala si Sir