Chapter 5

Pagkatapos ng shift ko sa Cafe ay dumeretso agad ako sa isa ko pang part time job sa isang restaurant malapit lang din sa university namin. Agad akong nagbihis ng uniform.

Habang nagse-serve ako ay naalala ko ang pakikitungo sa akin ni Kayler. Hmp! Akala mo kung sinong gwapo. Kahit crush ko siya, nagbabago din ang isip ko 'no! Nakakaumay! Kung ayaw niya e 'di huwag!

Hindi ko na pipilitin pa ang sarili ko kung ayaw niya sa akin. Crush ko lang naman 'yun! Madami pa d'yang iba! Neknek niya talaga! Never ko na talaga siya papansinin!

"Hoy, Iyah! Kanina ka pa d'yan nakabusangot. Kanina pa kita tinatawag." wika ni Athena, ang katrabaho ko.

"Huh? May naiisip lang kasi ako." palusot ko sa kan'ya.

"Kow! Baka 'yung crush mo lang ang iniisip mo?" May paniningkit niyang tanong sa akin. "Bilisan na natin, baka mapagalitan pa tayo." wika ni Athena sa akin. "Speaking of!" saad pa niya nang makita na papasok ang grupo ni Kayler sa restaurant na aming pinagtatrabahuhan.

Napakagat ako ng aking labi nang mapagmasdan ang kan'yang hitsura. Walang palya sa pagiging gwapo! Fresh na fresh tingnan. Yay, Lord! Ibigay niyo na siya sa akin! Impit kong hiling.

"Oy, 'yung laway mo tumutulo!" pang-aalaska sa akin ni Athena.

Nang matauhan ay dumeretso ako nang tayo. Haha... ang gago ng puso ko! Ayaw niya makalimot! Niyakap ko ang tray sabay talikod ko.

"Sandali may kukunin lang ako sa loob." palusot ko upang hindi ako makita pa ni Kayler. Akala niya ata maghahabol pa 'ko sa kan'ya! Neknek niya! Kapal ng face! Hmp!

"Uy! iniiwasan niya nga si Kayler pero mamaya hahanapin niya!" wika niya habang nakasunod sa aking gawi.

Saglit lang ako sa loob at lumabas na rin dahil kailangan ko din mag-serve. Habang naglilinis ako ng lamesa ay palinga-linga ako sa gawi ni Kayler na patingin-tingin sa pwesto ko.

"Kow! Kanina pinalalayas ako tapos ngayon tinitingnan ako. Hmp! may sapi ata ang lalakeng 'yon!" wika ko sa sarili ko.

Sakto naman na pumasok ang manliligaw ko na si Geoff. Close din kami ng lalakeng ito e, kahit anong basted ko ay hindi nakikinig.

"Am... pwede ba kitang maimbitahan sa linggo?" diretsong tanong niya na medyo nahihiya pa sabay kamot sa kan'yang batok.

"Saan naman?" medyo pakipot kong tanong sabay hawi sa imaginary kong mahabang buhok na ikinatawa ni Geoff. Hindi ko naiwasan mapasulyap sa gawi ni Kayler.

"Sa simbahan lang tapos kain after."

"Wow, Banal!" matawa-tawa kong sambit sa kan'ya na ikinatawa niya din.

Nang sulyapan ko si Kayler sa kabilang table ay halos hindi na maipinta ang hitsura ng mukha nito. Tila mangangain na ang hitsura sa galit. Nang muli akong sumulyap ay nakita ko na lang siyang palapit sa gawi ko at walang abog na binangga si Geoff.

Awang ang aking bibig sa ginawa niya. "The heck!"

Ano naman kaya ang problema ng isang 'yon! Hindi ko na nga nilalapitan, ang sama parin ng tingin sa'kin! Tss! Binangga lang si Geoff tapos bumalik na rin sa upuan niya! Grabe, Malala na siya!

Nagserve ako sa dulo ng table, nang mapadako ulit ang aking mata sa kan'yang kinaroroonan ay nakatingin parin ito sa akin. Ano bang tinitingin-tingin ng gagong 'yun! Diyos ko, nako-conscious ako, promise!

"Napakatam-es!" wika ni Athena na sinagi pa ako. "Kanina pa 'yan nakatingin sa'yo!" Kinikilig niyang sambit sa akin.

Inikot ko ang aking mata sa sinabi niyang iyon.

"Ewan ko ba d'yan! panay taboy naman sa'kin kapag lumalapit ako. Daig pa may toyo niyan!" Matawa-tawa na lang ako.

"Baka may dalaw? char!"

Humagikgik kami sa sinabi niyang iyon.

"Ay, teh! Wala na, may tumabi ng haliparot!" bulong niya sa akin.

Inikot ko lamang ang aking mga mata at pinagpatuloy ang pagliligpit sa isang table. Hindi ko na muli siyang tiningnan. Mahirap makasaksi ng tanawing hindi mo gusto, masakit at nakakabaliw!

Nang matapos ang shift ko, agad akong dumeretso sa locker room namin para magpalit.

"Girl, sama ka? Nightout tayo!" yaya sa akin ni Loisa, ang isa ko pang ka-close na katrabaho. "Sige na, para naman magkakulay ang buhay mo. Lagi ka na lang puro trabaho e." dagdag pa niya.

"Saka na lang, pagod na kasi ako." Malungkot kong wika sa kan'ya.

Hindi naman talaga ako mahilig magpunta sa mga bar. Gastos lang iyon at isa pa walang kasama ang nanay ko sa bahay. Tiyak na nag-aantay na iyon. Kaya naman nang makapag-timeout ay agad na akong umuwi.

"Ma!" bati ko sa nanay ko sabay halik sa kan'yang pisngi.

"Kumain ka na ba, anak?" malambing niyang tanong sa akin. "Bukas nga pala, may nagpapaluto sa'kin ng limang putahe. Wala ka naman pasok bukas. Sa hapon pa naman ang pasok mo sa cafe, 'di ba? Maari bang tulungan mo ako?"

Mahilig talaga magluto ang nanay ko kaya naman kung mayroong nakikiusap sa kan'ya na magpapaluto ay mabilis siyang pumapayag. "Opo, ma!"

"Doon ito sa malaking bahay sa kabilang kanto, iyong bagong lipat. Natikman daw ang luto ko kaya naman nang may gaganaping handaan sa kanila ay agad akong pinuntahan at pinakiusapan." Masaya niyang sambit.

Ganyan talaga siya pag may gustong magpaluto sa kan'ya na bago. Halos maiyak pa sa tuwa. Pangarap niya talangang maging chef dati kaso hindi natupad. Ipinahiram kasi ng kan'yang tatay ang perang na sana'y pang matrikula niya dapat noon. Ngunit hindi naman nabayaran kaya hindi niya natapos ang kan'yang pag-aaral. Nagpunta na lang siyang manila upang doon makipagsapalaran bago naging ofw.

Kinabukasan ay maaga kaming nagising. Inayos ko ang mga gagamitin ni mama habang nasa palengke siya. Hiniwa ko na rin ang mga bawang at sibuyas, para pagdating niya ay ibang ingredients naman ang aking hihiwain.

Nagmadali akong lumabas ng bahay nang marinig ang pagtigil ng tricycle. Saktong baba niya ng tricycle nang makalapit ako. Agad kong kinuha ang mga dalahin niya.

"Aba'y napakabait at sipag talaga ng anak mong iyan, Claire." Wika ni aling bebang habang nagwawalis sa kanilang harapan. "Kung may anak akong lalake ay paliligawan kita." Bola pa nito.

"Naku! bata pa ang anak ko. Wala pa sa isip niya ang mga bagay na 'yan." Sambit ni mama habang papasok ng aming gate.

Mababait naman ang mga kapitbahay namin dito. Ni isa ay wala kaming nakaaway dito ni mama. Minsan pa nga ay tinutulungan kami nila. Kaya naman mabait din ako makitungo sa kanila. Para na din kasing pamilya ang turin nila sa amin. Bagay na ipinagpapasalamat namin.

Habang naghihiwa ako ng iba pang sangkap ay tinanong ako ni mama tungkol kay Kayler.

"Kamusta siya? Nililigawan ka na ba niya?" seryosong tanong sa akin ni mama.

"Naku, ma! Hindi po!" Agad kong tanggi dahil iyon naman talaga ang totoo. "Kung manligaw man po ay hindi ko sasagutin! Crush ko lang po!" Nahihiya kong sambit sabay focus sa aking hinihiwa.

"Mabuti kung gan'on! Ayaw ko ng sagabal sa iyong pag-aaral kaya kung maari ay iwasan mo! Malapit ka nang matapos, kaya mag-focus ka na muna sa iyong pag-aaral!" Mahigpit niyang bilin sa akin.

Lumapit ako sa kan'ya at agad niyakap siya mula sa kan'yang likod sabay halik sa kan'yang pisngi.

"Lagi ko pong tatandaan iyan, ma! Uunahin ko po ang pag-aaral ko, promise!" May pa pikit-pikit mata ko pa habang naglalambing sa aking ina.

Alas diyes y medya nang saktong matapos ang pagluluto lahat ni mama ng mga pagkain. Nang matapos ilagay sa lahat ng lagayan ay sakto din dumating ang sasakyang magdadala sa malaking bahay.

"Sumama ka na, Iyah!" Yaya sa akin ni mang Pedring, ang driver na magdadala ng pagkain sa malaking bahay. "Bilin 'yun sa akin ni Ma'am Karina. Sumama ka daw saiyong ina."

Tumingin muna ako sa aking ina bago sumagot sa anyaya ni mang Pedring. Nang tumango ang aking ina ay nagmadali akong nagpaalam upang makapagbihis ng pantalon at t-shirt. Hindi na ako naligo, hindi naman ako mabaho at isa pa, wala naman aamoy sa akin doon. Nagwisik lamang ako ng cologne at agad lumabas na ng bahay nang mapansing nasa labas na sila at naghihintay sa akin.

Nang makarating ay agad akong tumulong sa paghahakot ng mga chafing dish upang agad na mailagay sa long table kung saan malapit sa pool. Nang makita ako ni Ma'am Karina ay agad akong binati nito.

"Hi, Iha!" sambit nito habang nagbeso sa aking pisngi na ikinaawang ng aking bibig. Nahihiya ako na ganoon niya ako ituring. Walang bahid na pang-uuyam kahit na sila ay mayaman at kami ay mahirap lamang. "Hayaan mo na ang mga kasambahay ko ang mag-asikaso d'yan. Maupo ka na lang muna, kayo ng mama Claire mo!" Malambing niyang wika.

Wala akong nagawa kung 'di ang maupo sa gilid at pagmasdan sila. Isinubsob ko patagilid ang aking ulo habang matamang nakatingin sa tubig sa pool. Hindi ko na namalayan na nakatulog na pala ako.

Gadriel's Pov:

Kadarating ko lang, nang mautusan ako ng aking mommy na gisingin daw ang anak ni tita Claire. Nakatulog daw ito doon sa may gilid. Palipatin ko daw sa may guestroom upang makapagpahinga ng ayos.

Agad naman akong tumalima sa kan'yang utos. Nang mapansin ang isang lalaking nakayukyok sa lamesa ay agad ko itong nilapitan at niyugyog ng bahagya.

"Bro, gising na!" sambit ko habang patuloy ang pagyugyog sa kan'ya. Umungol lamang ito kaya tinawag ko pa ulit, "Bro! 'wag ka dito matulog. May silid sa taas, pwede ka doon magpahinga saglit sabi ni mommy."

Ngunit ganoon na lang ang aking pagkagulat nang iangat niya ang kan'yang ulo mula sa lamesa, habang masamang tumitig sa akin.

Una kong tinititigan ang mamula-mula niyang labi na kikibot-kibot. Sunod ang kan'yang perpektong matangos na ilong. At ang panghuli ay ang kan'yang maamong mata na tila hinihipnotismo ako.

Agad akong natauhan nang magsalita ito.

"Mukha ba akong lalake?" masungit na sambit nito sa akin. Tila maghahamon ng suntukan at itinaas pa ang dalawang manggas ng kan'yang suot na t-shirt.

"Ah, h-hindi, hindi!" Nauutal kong sambit. "Akala ko kasi lalake ka, base sa iyong hairstyle!" Kinakabahan kong paliwanag sa kan'ya. "Ako nga pala si Gadriel, and you are?" sabay lahad ko ng aking kanang kamay.

"Aliyah... Iyah na lang for short!" wika niya sabay abot ng aking kamay.

Normal ba na ma-stutter at matulala sa ganitong klaseng babae? Para siyang anghel na bumaba sa lupa. Damn! 'wag naman sanang tomboy 'to, Lord! Nausal ko bigla.

"Course mo?" agad kong tanong para humaba pa ang aming usapan. Ayoko na siyang paakyatin pa sa taas at matulog. Gusto ko na lang makipagkwentuhan sa kan'ya. Parang kay gaan niya kasing kasama.

"Crim... ikaw? pwede mo na bang bitawan ang kamay ko?" Nakangiwi niyang tanong.

Tila naman napaso ang kamay ko at agad binitawan ang kan'yang kamay. Damn! Nalimutan kong hawak ko pa pala ang kan'yang kamay. Oh, boy! I'm so fucked up!

"Sorry about that! Para kasing may kamukha ka, kaya napatitig ako sa face mo. Tama! Mukha ka kasing artista. May lahi ka ba?" Sunod-sunod kong sambit habang humihila ng upuan sa gilid niya. "By the way, crim din 'yung course ko. Mukhang magkakasundo tayo!"

"Talaga? Mukhang may matatanungan na ako kapag nahirapan ako." Kita ko na namilog ang kan'yang mga mata sa tuwa.

Ibig sabihin ba n'un ay gusto niya ako? haha assuming lang! Ang cute niya talaga. Lalo na tuwing ngumingiti at lumalabas ang pantay-pantay na mga ngipin. Damn! patay na talaga ako nito! I think i like her!

"Sure! Kapag may mga hindi ka naiintindihan, puntahan mo lang ako dito, maghihintay ako!" Tamang-tama para maging close kami agad.