Chapter 55.2

"Hello po, kumusta po ang mga pagkain?" masaya kong tanong at bungad sa mga matatanda na narito. Agad naman nilang hinawakan ang kamay ko at na-welcome talaga ako na parang isa ako sa kanila, pinaupo naman nila ako sa available seats dito at saka ako dumalo sa kanila.

"Nako, hija! Ayos lang naman kami. Dito ka na, kumain ka na ba? Kumusta ka rin?" tuluy-tuloy na tanong naman ni Lola, Lola Aming ang kanyang pangalan. Sumubo pa muna siya at saka ngumuya pa, nakatingin siya sa akin at saka ngumiti, lumubo tuloy 'yong kanyang pisngi dahil sa pagkaing kanyang nginunguya. Mahina naman akong natawa dahil do'n.

"Ayos lang po ako. Hindi po ako nakakakain, mamaya na lang po siguro. Ang dami pa pong kailangang gawin. Kailangan ko pa pong asikasuhin ang iba pa," nakangiti at kalmado kong sabi. Nakatingin lang sila sa akin at parang na-startstruck sila. Nahiya naman ako nang unti pero binigyan ko na lang sila ng ngiti.

"Ang sipag mo naman, hija. Parang sa 'yo na ang lahat, ang ganda-ganda mo ta