Chapter 73 "And he found her"

PAGKATAPOS ng isang taong pamamalagi sa hospital ni Luke. Nagising siya dahil sa isang napakagandang panaginip. Laman ng kanyang panaginip ang isang napakagandang batang babae na tinawag siyang Daddy. Pagkakagising niya ay hilam sa luha ang kanyang mga mata. Pakiramdam niya ay tila totoong-totoo ang nasa panaginip niya. Nilapitan siya ng isang nurse kasunod din ang Doctor. Binalita nito ang isang taon ng kanyang pagkakatulog.

Ikinagulat niya iyon ngunit mas nagulat siya nang malamang hindi pa pala siya makakalakad. Naapektuhan ang isang paa niya dahil sa aksidente. Tumagal pa ng dalawang taon bago bumalik sa normal ang lahat.

Sa gitna ng kadiliman na kanyang kinakaharap hindi naman siya pinapabayaan ng kanyang ama at ina-inahan. Napipilitang hawakan muli ng kanyang ama ang kompanya dito sa bansa habang ang kapatid naman niyang si Lander ang humawak sa kompanya ng Lolo nila sa Amerika. Nabigla rin siya sa nalamang nag-quit na ang kapatid sa showbiz at mas piniling tumulong sa ama h