Chapter 30

Someone's POV

10:27 pm at unti- unti nang nauubos ang mga tao sa resto kung nasaan si Mika pero wala pa ring Renrem na dumadating. Pabalik- balik siyang tumitingin sa cellphone niya at umaasang may matatanggap na text mula rito, nang may biglang lumapit sa kaniya.

"Hmm miss magsasara na kasi kami eh, may hinihintay ka pa ba?" tanong ng isang tauhan ng resto sa kaniya.

Agad na tumayo si Mika at kinuha ang mga gamit niya.

"Pasensya na kuya, aalis na po ako. Salamat," saad niya.

"Sige po miss," tugon naman nung lalaki sabay ligpit ng lamesa.

Lumabas si Mika ng resto at naghintay pa dun, nang biglang bumuhos ang malakas na ulan. Tumawid siya para pumunta sa waiting shed sa kabilang daan. Para siyang basang sisiw ng makarating sa waiting shed. Kahit na nandoon na siya ay nababasa pa rin siya.

Lumipas ang ilang minuto, 10:49 pm. Nanginginig na sa lamig ang buo niyang katawan pero nanatili siyang naghihintay kay Renrem. Medyo humina na din a