Chapter Forty Five

NAPATINGIN siya kay Craig nang ilapag nito ang tasa ng tsaa sa harapan niya.

"Inumin mo habang mainit pa," anito.

"Thank you."

Tumabi ito ng upo sa kanya. Kasalukuyan silang nasa kusina. Kakapatulog lang niya sa mga bata. Umalis muna si Rolly para makapag-isip habang si Virginia ay hindi na sa penthouse nakatira.

"Ang lalim ng iniisip mo. Ano 'yun? You can tell me."

Tipid niya itong nginitian. "Naisip ko lang. Ang problema talaga hindi mo inaasahang darating. Kapag dumating talagang susubukin ang katatagan mo sa buhay."

"Iniisip mo ba si Rolly at Peter?"

Tumango siya. "Hindi ko maiwasang hindi mag-alala para sa kanila. Marami na silang pinagdaang problema kaya akala ko lahat kaya na nilang lagpasan. Pero iba ngayon."

Hinawakan nito ang kamay niya. "Malalagpasan din nila 'yan. Kung talagang nagmamahalan sila at kung pareho nilang pipiliing mag-stay, sila pa rin hanggang dulo."

"Oo, tama ka. Sana talaga maayos nila ang relasyon nila. Sana mapatawad ni Peter si Rolly."

"Mahal ni Peter an