Chapter 20: New Ally

"Cut!" sigaw ni Direk Noel, ang direktor sa teleserye ni Lauren. Kasunod niyon ang palakpakan mula sa crew ng teleserye.

Agad na nagpunas ng luha si Lauren, nginitian ang mga katrabaho, bago hinanap agad sa kumpol ng mga tao si Micha. Ito na ang kusang lumapit sa kanya at binigyan siya ng tissue.

"That was a great take, Lauren. I'll surely miss working with you," ani James Santander, ang bidang lalaki sa teleserye, na siyang huli niyang kaeksena. Today is her last taping day. "Hindi na ba talaga magbabago ang isip mo? You know we can always make adjustments sa script."

Pilit siyang ngumiti."Thank you, James. I will miss working with you and the rest of the team too but I've already made up my mind. It's better to leave when everything is still fine," propesyunal niyang sagot.

"I understand," anang lalaki, kaswal pa siyang niyakap. Gumanti rin siya ng yakap. "Goodluck, Lauren," sabi pa nito, humalik sa kanyang pisngi.

Halos isang taon rin niyang nakatrabaho ito at iba pang mga taong n