Sorry sa late update... Naging busy lang ako this week sa trabaho ko pero ito, sinikap kong bumawi. Happy reading! :)
“W-what? Ano? Sige… Ikaw ang bahala –” Halos malaglag ni Marion ang hawak nitong baso na may laman pang beer. “Ako na ang mag-aayos nito. Ikaw na ang mauna. Sunod na lang ako.” “Sige…” Kumunot ang noo ni Seojun dahil sa naging reaksyon ni Marion ngunit hindi na siya nag-komento pa. Pumasok na siya sa banyo dahil nagliligpit na si Marion ng mga ginamit nilang baso, pati na rin ang ginamit sa kanilang samgyupsal. Ayaw magpatulong ni Marion kaya napilitan siyang mag-shower na lang. Naisip niya na baka gusto lang talaga nitong matulog na silang tatlo para naman makapagpahinga na. Kahit inalok niya ito na siya na ang mahuhuling maligo, kinulit rin siya nito na ito na lang ang mahuhuli. “Ewan… Ang weird ni Marion. Dahil siguro sa alak…” Binuksan niya ang shower at itinapat ang sarili sa tubig. May air freshener sa loob na amoy rosas kaya iyon ang naamoy niya sa buong banyo. Mainit-init ang tubig na naglalandas sa kaniyang balat kaya nakaramdam siya ng kaginahaw
Halos isang oras ang naging byahe nila mula Lutte Hotel papuntang Maze Land. May dalawang klase ng maze doon na gawa sa mga bushes. May pabilog at may kung saan-saang direksyon na daan. Pero nang makita nila ang maze mula sa ibabaw, doon nila na-appreciate nang husto ang lugar. Kagaya ng ini-expect ni Marion, natuwa si Eclaire sa pagkuha ng litrato habang naroon. Sinubukan din nilang dumaan sa maze pero kalahating oras na silang naroon pero hindi pa rin nila nakikita ang dulo. “Umuwi na lang kaya tayo,” aya ni Seojun. “Paano tayo makakauwi kung hindi pa natin nahahanap ‘yong exit?” tanong niya. Nasa gitna si Marion. Nasa kanan niya si Eclaire at nasa galiwang kaliwa si Seojun. Ilang beses na silang nagkahiwa-hiwalay kaya naman nakakapit na ang mga ito sa kaniya. Mahirap naman kung umuwi siya ng Seoul nang wala ang mag-ama niya pero natatawa pa rin siya sa pagiging nerbyoso at nerbyosa ng mga ito. “Dito tayo sa kanan. Siguro naman… Makakalabas na po tayo ri
Maluwang ang ngiti ni Seojun nang makaalis sila sa restaurant na iyon. Kumuha siya ng kopya ng litratong iyon sa cellphone niya. Hindi niya maintindihan pero… Ramdam niyang nagiging totoong pamilya na silang tatlo. Magkatabi sa likurang upuan ang mag-ina. Nakasandal si Eclaire sa mga balikat ni Marion habang mahimbing na natutulog ang mga ito. “Sana… Ganito na lang palagi,” bulong niya. Gamit ang GPS app para malaman niya ang daan kung saan siya pupunta, binagtas niya ang daan papunta sa Alive Museum. Binuksan niya ang radyo ng kotse na nirentahan ni Marion para magamit nila. Nagsimulang tumugtog ang isang popular na korean dance song. Medyo malakas ang volume kaya hininaan niya kaagad iyon. “Inaantok ka ba, Appa?” Nagulat si Seojun nang marinig ang boses ni Eclaire. “Akala ko tulog ka?” “Nagising ako sa music, e…” Pupungas-pungas ito at bahagyang kumalas kay Marion. “Hindi po ba kayo magpapahinga?” “A… Ayos lang naman ako.” Ngumiti siya up
Halos maibuga ni Marion ang piraso ng steak na sinubo niya. Hindi niya kasi inaasahan na biglang bubuksan ng dalagita ang usaping iyon. Kung tutuusin, hindi na dapat siya magulat kung sakali mang sinabi ni Seojun sa anak ang ‘kontrata’ nila. Pero nang mabanggit ang sensitibong topic na iyon, doon niya na-realize na hindi siya prepared na magpaliwanag. “Ano… Kasi…” Halos alugin niya ang kaniyang utak para mag-isip ng isasagot sa tanong nito. “Kailangan muna naming magkakilala ng Daddy mo kahit paano para naman emotionally at mentally prepared kami kapag nagkaroon na kami ng… baby.” Muntik nang mapunta sa damit ni Seojun ang wine nito sa baso dahil sa tanong na iyon. Bahagya pa itong tumikhim na tila tinatanggal ang bara sa lalamunan. “Anak, darating din tayo roon, okay? Hindi iyon ganoon kadali.” “Ganoon po ba? Akala ko po kasi… Pumunta tayo rito para doon…” Nagpatay-malisya lang si Eclaire bago sumubo ng dessert na pinili nito. Medyo nakabawi na siya kaya
“I don’t care if we’re neighbors. Just stop harassing my daughter with your antics. Or else…” pagbabanta ni Marion. Hinawakan niya sa balikat si Eclaire para ayain na itong umuwi. Napapatingin na lang si Seojun sa mga estranghero na naroon pa rin sa may tapat ng elevator. Sumunod na rin ito sa kanila dahil ito na lang ang naiiwan sa labas. Nakasilip na lang si Marion kung magtatangka ang mga ito na lumapit sa unit nila. Hindi siya magdadalawang-isip na tumawag ng security guards para mapaalis ang mga ito sa tapat nila. “Tita Marion… Wala po ba tayong magagawa? Nakakatakot naman kasi iyon… Akalain niyo bang bigla na lang akong kinausap habang naglalakad ako sa daan? Syempre, nagulat po ako…” “Tahan na…” Nangingilid na kasi ang luha sa mga mata ng dalagita. Mukhang takot na takot talaga ito sa nangyari. “Huwag kang mag-alala. Magpa-file ako ng formal complaint sa management ng building na ito bukas ng umaga. Huwag ka nang umiyak…” Dahan-dahang yumakap sa ka
“Kenneth? Sinong Kenneth?” Diskumpyado si Hae won nang mapansin nito na wala nang laman ang inumin nito. “Siya ‘yong kasama nong Mr.Jang na sinasabi ko sa iyo. Grabe… Alam mo bang tiningnan lang niya ko noong hinahabol na ko. Kung umasta siya, parang kasalanan ko pang hinabol ako ni Mr.Jang. Kainis! Akala mo kung sino. Tapos ngayon…” Sinilip nito ang cellphone niya at napasinghap nang malakas bago inagaw ang cellphone niya. “Ito ba ‘yong sinasabi mong Kenneth? Ang pogi naman pala…” “Anong pogi? Akin na nga iyan.” Inagaw niyang muli ang cellphone niya at inilapag sa lamesa. “Ewan ko sa iyo.” “Sus!” Naririnig ni Hae won kay Marion ang expression na iyon kaya ginagaya nilang magkaibigan. Tiningnan nito sa sarili nitong cellphone ang article na nakita ni Eclaire at binasa nito ang mga nakasulat. “Wow… Bagong model daw iyan under ng Star Entertainment… Kenneth Jang… Ka-edad pala natin siya!” “Wala akong pake,” singit niya. Ayon sa headline ng article, si
Ang akala ni Seojun, makakapagpahinga pa si Marion kapag nakabalik na sila sa apartment. Iyon nga lang, hinihintay na pala ito ng trabaho mula kay Andrew. Magkausap ang dalawa sa salas habang ipinapaliwanag ni Andrew ang mangyayari sa bagong business venture ng asawa niya. Nagulat pa siya nang malaman na isa palang accountant si Andrew, hindi lang ito basta alalay lang ng mga VIP. Si Andrew ang nakatoka na mag-aalaga at mamamahala sa expenses ni Marion habang nakatira ito sa South Korea. “Wow… Totoo bang wala kayong alam sa business? Hindi ko akalain na makakasabay kayo… I mean, bilib ako sa inyo.” Inayos ni Andrew ang mga papel na kinailangan nitong ipakita at papirmahan kay Marion. “Ang alam ko po kasi, Architecture ang kurso niyo no’ng college.” Umismid lang si Marion at uminom ng tubig na nasa room temperature lang. Ang babae na ang nagkusang magbago ng kinakain nito. Hindi ito umiinom ng kahit na ano, maliban sa tubig na maligamgam o sakto lang ang temperatura.
“Syempre naman po… Saka paano kung may mangyaring masama sa inyo? Bigla kayong ma-kidnap? Or maligaw kayo sa mall tapos nakalimutan niyo ‘yong papunta sa parking lot –” Gustong pahabain ni Eclaire ang nguso niya dahil sa inis pero pinigilan niya ang sarili. Palagi kasi siyang inaasar ni Hae won na mukha siyang pato kaya pilit niyang binabago ang ugaling iyon. Tiningnan niya ang twenty-four inches pizza na hawak nito. “Ano po bang flavor niyan?” Nagkatinginan sina Marion at Seojun bago napangisi ang mga ito. “Ang mabuti pa, umuwi na tayo. Mukhang nagugutom na itong anak natin.” “Huwag kang mag-alala. Pinili ko ang paborito mong toppings. Cheesy beef at Bacon Pepperoni.” Gumilid si Marion at hinawakan ang kaliwang kamay niya. “O, ano? Nabili mo ba ang lahat ng kailangan mo para bukas?” “Opo… Okay na.” Kinuha ni Seojun ang paper bag na hawak niya at hinawakan ang kanan niyang kamay. “Bukas, ihahatid ka namin ng Tita Marion mo bago kami pumunta sa clinic, oka