Chapter 40

"May narinig kasi kami ng papa mo na paparating na sasakyan na huminto sa tapat ng bahay natin. Nang silipin namin ay nakita namin na kayo ngang dalawa ang nandito sa tapat ng bahay natin kaya lumabas na kami. Hindi mo man lang ba kami ipakikilala sa kasama mo, Andrea?" wika ni Merla sa anak niya na si Andrea. Muling nagkatinginan sina Andrea at Martin pagkasabi ni Merla. Humugot nang malalim na buntong-hininga si Andrea bago niya ibinuka ang kanyang bibig para magsalita sa kanyang mga magulang na hinihintay ang sagot niya.

"Puwede po na sa loob na lang tayo mag-usap? Nakakahiya naman po kung dito tayo sa labas mag-uusap," sagot ni Andrea kay Merla. Humarap siya kay Martin at nagsalita, "Okay lang ba sa 'yo na pumasok ka muna sa bahay namin? Wala ka naman sigurong lakad ngayon, 'di ba?"

Kaagad naman na tumango si Martin kay Andrea at nagsalita, "Okay lang naman sa akin, eh. Wala naman na akong lakad pa ngayong gabi na 'to. Uuwi na rin ako sa condo unit pagkatapos."

Kung si Andrea ang