Kabanata 394

“Magiging ganoon nga. Bukod doon, Sis Zhuo, mayroon kang magandang kapalaran sa buhay na nag-aabang sa’yo. Pesimistiko ‘man sabihin. Pero magiging maayos din ang lahat kalaunan,” ani Ling Yiran.

Gulat na napatingin si Zhuo Qianyun kay Ling Yiran. “Mukhang nagbago ka ng kaunti.”

“Nagbago?” si Ling Yiran na nagtataka.

“Oo, noong una kang dumating dito, parang malungkot ka, na parang dinudurog ka ng sarili mong buhay. Pero, tingnan mo ngayon, ang lungkot sa buhay mo ay ‘tila nawala. Parang nagkaroon ka ng pag-asa.” sabi ni Zhuo Qianyun.

Nagkaroon ba...ng anumang pag-asa si Ling Yiran? Natigilan si Ling Yiran. Dahil ba sa pagtulong ni Lianyi sa kaso? Dahil ba...nagkaroon ng bagong simula sa pagitan nila ni Yi Jinli?

Noong gabing iyon, nang lumabas si Ling Yiran sa maliit na restaurant, nakita niya ang isang kotse na naka-park hindi kalayuan sa restaurant. Ito ang sasakyan ni Yi Jinli!

Humakbang si Ling Yiran papunta roon. Nakabukas na ang pintuan nito. Nakaupo si Yi Jinli sa b