Kabanata 2825

"Sige pala!"

Tumaas ang tapang ni Dante sa matindi niyang galit.

"May kasunduan tayo!"

"Kung makukuha mo ang kontrata sa loob ng isang araw, puputulin ko ang sarili kong kamay!"

"Pero kung hindi mo magagawa, sana hindi ko na makikita ang pagmumukha niyo sa office building na'to kahit kailan!"

"Testigo ang lahat ng tao rito!"

"Ang kung sinomang aatras ay isang walang kwentang duwag!"

Nanahimik ang silid.

…

Pagkatapos ng kalahating oras, sa loob ng opisina ng executive CEO.

Hindi masyadong malaki ang opisina na may lawak na halos tatlong daang metro kwadrado. Kakaunti lang ang dekorasyon sa loob ng kwarto dahil walang gumagamit nito noon. Tanging isang mesa, upuan, at sofa ang nasa loob.

Pero dahil nakaharap ang opisina sa karagatan, sariwa ang hangin dito. Kuntento si Harvey sa ganito.

Sumandal siya sa sofa habang nakatingin sa malayo nang may kalmadong ekspresyon sa mukha niya.

"Salamat sa pagtatanggol mo sa'kin."

Nagsalin ng tsaa sa tasa si Queenie at iniabot