Chapter 96

Nang sumunod na mga araw ay madalang ko nang makita si Mateo sa opisina. Narinig ko sa mga empleyado ay palagi raw ito sa hacienda naglalagi. 

Hindi na kami nag-usap matapos ang ginawa naming pag-uusap nang nakaraan. Kung may kailangan akong ikonsulta at ipapirma sa kan'ya ay si Lesie ang nagdadala nito sa opisina, at ganoon din ang ginagawa niya.

"Mayroon kang meeting sa hacienda mamaya kasama ang mga magsasaka," pagpapaalala sa akin ni Lesie.

Unti-unti nang bumabangon ang kompanya. Bumabalik na ang aming mga kliyente at mayroon pa'ng mga dumadagdag, subalit nililimitahan muna namin ito dahil hindi pa ganoon karami ang naaani naming cacao. 

Nang matapos ang mga gawain ay nagtungo na ako sa hacienda.

Naroon na ang mga inimbitahan naming mga agriculturist na magbibigay ng workshop sa mga magsasaka tungkol sa panibagong paraan ng pagtatanim. Mayroon din itong mga dalang panibagong mga organic na pampataba sa lupa.

Naging abala kami b