Chapter 73

"Hindi kita puwedeng sisihin, Angela. Sino ba ako para sisihin ka sa bawat desisyon mo sa buhay, 'di ba? Kung mahal mo naman nga siya ay bakit naman kita huhusgahan. Mahal mo siya, eh. Wala naman akong ibang masasabi pa kundi sana ay magkaayos kayong dalawa ng mommy mo. Hindi natin alam kung ano'ng mangyayari kaya ayaw ko nang magsabi pa ng hindi maganda o negatibong bagay tungkol sa naging desisyon n'yong dalawa ni Edward. Good luck sa inyong dalawa. Kung mahal n'yo nga ang isa't isa ay mahalin n'yo pa sana ang isa't isa dahil 'yon ang dahilan kung bakit kayo nagmamahalan sa kabila ng problemang kinahaharap n'yong dalawa. Maging maayos sana ang lahat. Maraming salamat sa sinabi mo sa akin, Angela," komento ni Jenna sa kanya.

Hindi na ito nagsabi pa ng kung anu-ano sa kanya dahil baka makapagsabi pa siya ng hindi magustuhan ng kaibigan niya. Nahirapan nga siyang sabihin 'yon. Angela gave her a quick smile and held her hands before she speaks to her.

"Maraming salamat sa sinabi mong '