Chapter 28

Bumaba si Angela sa kusina ng mga pasado alas diyes na ng gabi. Tahimik na doon sa baba. Wala na rin siyang naririnig na ingay mula sa kuwarto ng mommy niya. Sigurado siya na natutulog na ang dalawa. May pagkain doon sa kusina. Isang linggo na siyang hindi kumakain sa bahay nila. Kumain naman siya ng kaunti ngunit hindi kanin ang kinain niya kundi pizza na nandoon. Bumalik naman kaagad siya pagkakain niya para matulog.

Kinabukasan ay araw ng Linggo. Maaga siyang gumising. Pagkagising niya ay tumungo kaagad siya sa may garden para magmuni-muni. Ang tahimik ng paligid. May iilang puno doon kaya may naririnig siyang huni ng mga ibon.

Mayamaya ay may nagsalita mula sa likuran niya. Alam na niya kung sino 'yon kahit hindi niya lingunin. Marinig lang ang boses ni Edward ay nagwawala na ang puso niya sa bilis ng pagtibok nito. Dahan-dahan naman siyang lumingon mula sa kanyang likuran. Nakangising nakaharap sa kanya si Edward. Ngumisi rin siya dito bilang ganti. Hindi naman puwedeng nakangu