Chapter 21

Naabutan ni Dina ang anak niyang si Angela na kumakain ng chocolate habang nakaupo ito sa couch na may pinapanood na kung anong video sa cell phone. Pagkakita ni Angela sa mommy niya na kararating pa lang ay mabilis siyang tumayo para magbigay galang dito. Binitiwan muna niya ang hawak niyang cell phone sa may mesa.

"Ginabi ka po ng uwi ngayon, mommy. Mukhang marami kayong ginawa sa opisina n'yo ngayong araw na 'to. Tama po ba ako?" sabi ni Angela sa mommy niya na nakatayo sa harap niya.

Nagpakawala muna ito ng malalim na buntong-hininga bago nagsalita sa kanya.

"Sinabi mo pa, Angela. Kaya ginabi na ako ng uwi dahil may tinapos pa kami sa opisina. Kung wala kaming tinapos na gawin ngayong araw na 'to ay kanina pa sana ako nakauwi. Nag-overtime na lang kami para matapos 'yon, eh. Kanina ka pa ba dumating mula sa trabaho mo?" seryosong sagot ni Dina kay Angela na anak niya. Tinanong niya si Angela kung kanina pa ito dumating sa trabaho niya.

"Opo. Kanina pa po ako dumating, mommy. Ano p