Kabanata 3

PAGKATAPOS nang eksena kanina ay kaagad namang pumasok sina Ace at Athena sa kanilang kuwarto. Pansamantalang na sa loob ng banyo si Athena habang si Ace naman ay nakahiga sa kama at ang kaniyang mga mata ay na sa kisame.

Nanumbalik sa kaniya ang mga tagpo noon na kailanman ay hindi niya makakalimutan. Mga tagpo noong panahon na hindi pa sila nagkakilala ni Athena.

"Sigurado ka na ba sa mga plano mo, Boss?" Tanong sa kaniya ng isa sa mga taong kaniyang pinagkakatiwalaan. Nakahanda na siyang umalis at iwanan ang mga responsibilidad.

"Nag-usap na tayo sa bagay na ito at ayoko nang uulit-ulitin pa. Hayaan niyo muna akong makapag-isip. Walang puwedeng kumausap sa akin hangga't hindi ko sinasabi. Wala akong pakialam kung wala akong pera dahil kaya kong magtrabaho at magpanggap sa iba't-ibang pagkatao," aniya sa kaniyang tauhan kaya walang nagawa ito kung hindi tumango. Gustuhin niya man pigilan ang kaniyang amo ay tauhan lamang siya kaya tinikom na lang niya ang kaniyang bibig saka tahimik na sumunod.

Inutusan ni Ace ang kaniyang mga tauhan na iwanan na lamang siya sa lugar kung saan nakatira si Athena. Sa lugar kung saan kilalang-kilala ang pamilyang Lazarus. Walang ano mang dalang pera o gamit si Ace habang ang kaniyang mga damit ay gusot-gusot at puro sira pa. Malayong-malayo sa kinagisnan niya.

Simula sa araw na iyon ay naghanap siya ng kung ano-anong mga trabaho. Nagpanggap bilang delivery boy, kargador hanggang sa maging houseboy at driver ng pamilya Lazarus. Doon niya nakilala si Athena at unang kita niya pa lang sa babae ay nahulog na siya. Naging madalas ang kanilang pagkikita at pag-uusap dahil si Ace ay kaniyang driver hanggang sa isang araw nahulog na nga ang mga ito sa bawat-isa na siya ring naging dahilan para pagdesisyonan nilang magpakasal.

Maraming mga bagay at rason kung bakit kailangan iwanan ni Ace ang kaniyang kinagisnan subalit alam niya ang lahat ng ito ay may hangganan. Hindi habang buhay ay matatago niya ang kaniyang pagkatao at alam niya na unang makakaalam nito ang babaeng minahal niya. Pero nakahanda na siya sa lahat nang bagay na mangyayari. Hangga't kaya niya ay kailangan niyang itago ang buong pagkatao niya. Nakahanda siyang tiisin ang panglalait ng mga magulang ng babaeng minamahal niya para sa kaniya.

"Ace?"

Napabalik sa kaniyang huwisyo si Ace nang madinig ang boses ng kaniyang asawa kaya napalingon siya rito at ganoon na lamang ang kaniyang pagngiti nang makita ang magandang hubog ng katawan nito na siya ring dahilan upang magsimula na siyang tayuan. Hindi niya pa rin lubos na maisip na asawa niya ang magandang babae na ito.

"Halika rito," aniya at sumunod naman ang asawa. Humiga si Athena sa tabi niya kaya naman ay pinulupot niya ang kamay sa baywang nito. "Mahal na mahal kita, Athena at nakahanda akong gawin ang lahat para sa 'yo," dagdag na wika ni Ace kaya napangiti ito.

"Mahal na mahal rin kita, Ace at hangga't kaya ko, ipaglalaban kita sa pamilya ko," sambit niya kaya naman ay pumaibabaw siya sa asawa saka tinitigan ito sa kaniyang mga mata. Nakahanda na si Ace para sakupin ang mga labi ni Athena, subalit magkakasunod na katok ang pumukaw sa atensiyon nila kaya naman ay dismayadong napahiga si Ace sa tabi ng asawa at malakas na bumuntong-hininga.

"Open the door, Athena. May gustong kumausap sa 'yo," naririnig mula sa labas ang boses ni Ginang Lazarus sa loob ng kuwarto. Napatingin si Athena sa kaniya at tumango lamang si Ace bilang pagtugon.

"Kausapin ko lang si Mama, Ace," pagpapaalam na sambit ni Athena kaya ngumiti lang si Ace.

"Hinahanap ka ni Magnus, Athena," nagpanting naman ang tenga ni Ace nang banggitin ng babaeng biyenan ang isa sa mga manliligaw ni Athena at para bang sinasadya pa nito na lakasan ang boses para marinig niya.

"Ano ang ginagawa niya rito, Ma? Magnus should not be here. Ilang ulit ko bang sasabihin na kasal na ako!" Giit na wika ni Athena habang si Ace naman ay nakikinig pero sa kaloob-looban niya ay naiinis na siya.

"Kausapin mo lang. Tandaan mo, mayaman ang pamilya ni Magnus at ayokong mapahiya," nanginginig na ang kamay ni Ace sa galit dahil sa narinig mula sa biyenan at gustong-gusto niya na itong atakihin subalit hindi niya puwede itong gawin.

"Kakausapin ko siya kapag kasama ko si Ace," sambit ni Athena kaya napangiti siya dahil sa loyalty ng asawa niya sa kaniya.

"But—" hindi na natapos pa ng Ginang ang kaniyang sasabihin nang magdesisyon si Ace na magsalita.

"Sasamahan ko ang asawa ko, Mama at huwag kang mag-alala kakausapin namin siya nang maayos," sagot ni Ace kaya ganoon na lamang ang galit ng Ginang sa kaniya.

"Bwesit ka talaga!" Sambit nito at nag-martsa paalis. Inaya na rin siya ni Athena lumabas kaya sumunod si Ace sa kaniya.

"Tama ba ang gagawin ko na kausapin si Magnus, Ace?" Napalingon si Ace sa asawa dahil sa naging tanong niya. Isang malakas na hininga ang kaniyang pinakawalan bago magsalita.

"Kailangan mo siyang kausapin at ipaliwanag ang tungkol sa atin. Hindi puwedeng ganito, Athena. Kailangan niyang malaman na may asawa ka na," sagot ni Ace at ngumiti ang asawa sa kaniya. Nagpatuloy lamang sila sa paglalakad hanggang sa makarating na sila sa kung saan naghihintay si Magnus. Tumayo sa kinauupuan ang lalaki saka hinarap sila.

Ikinagulat naman nang lahat ang sunod na ginawa ni Magnus. Bigla itong lumapit sa kinaroonan ni Ace at Athena saka hindi nagdalawang isip na suntukin siya. Hindi iyon inilagan ni Ace kaya natamaan siya sa mukha.

Naririnig naman niya ang pagsigaw at pagpigil ni Athena kay Magnus ngunit ang paningin ni Ace ay na sa dalawang biyenan at sa kapatid ni Athena na wala man lang ginawa kung hindi panoorin silang magkagulo. 

"Ano bang meron sa lalaking ito at mas pinili mo siya, Athena? Naghintay ako sa matamis mong oo pero sa lalaking ito ka lang pala mahuhulog!?" Magnus uttered na nagpakulo sa dugo ni Ace. Ayaw man niya nang gulo ngunit sumo-sobra na ang lalaking ito.

"Umalis ka na please!" Pagmamakaawa ni Athena kaya naman ay nabaling ang atensiyon ni Magnus sa asawa. Napaawang na lamang ang labi ni Ace nang biglang hapitin ng lalaki ang bewang ng asawa at akmang aambahan ng halik nang may ginawa siya para hindi magtagumpay ang lalaki.