CHAPTER 33

[Jane's POV]

Pagkaalis ni dad ay wala tuloy akong maisip kung hindi s'ya.

Kaya lang naman ako lagi umaalis or kasama si Mike sa pamamasyal ay para ibaling sa iba ang atensyon ko. Pero ngayon parang hindi ko na magawa.

Gusto ko siyang makita kahit ngayon lang. Kahit sa malayuan lang. Gusto ko lang siya masulyapan ng mabilisan.

Dahil ikakasal na naman ako ay lulubusin ko nalang ang oras na meron ako. Gusto ko siyang makita pero kailangan ko muna siyang tawagan.

Nakailang tawag na ako pero walang sumasagot sa tawag ko. Hindi nya ba dala ang phone nya? Dahil ring lang ito ng ring. Saan kaya siya? Bakit hindi niya sinasagot? Or baka nasa trabaho pa siya?

Anong oras na ba? Tinignan ko ang orasan ko ay saktong 5pm ng hapon. Ah baka nasa trabaho pa nga siya.

Gusto ko pa naman makipag'usap sa kanya ng masinsinan. Gusto ko siyang makita ngayon.

Kaya napagpasyahan ko nalang na puntahan sya sa opisina nya. Baka nandun naman siya diba? Kung hindi sasapat ang pag silay sa kanya ay lalapitan k